KALIBO, Aklan, Mayo 29 (PIA) -- Si Pangueong Rodrigo Duterte sa anang pag hambae sa mga tawo pinaagi sa telebisyon ku Mayo 28 nag paabot nga igabutang nana ro Metro Manila sa idaeom ku General Community Quarantine o kon GCQ umpisa sa unang adlaw it Hunyo.
Kamana man, ginbutang man it Presidente ro syudad it Davao , ag mga Rehiyon II, III, IV-A, Pangasinan ag Albay sa idaeom it GCQ “hasta sa pag repaso ku kabilugan nga sitwasyon.”
Ro ibang parte sa Pilipinas, dugang pa ni Duterte hay iga paidaeom sa Modified General Community Quarantine o kon MGCQ.
Sa andang pag tao it depenisyon, ro Inter-Agency Task Force for the Management of Emerging Infectious Diseases o kun IATF –MEID naghambae nga ro GCQ hay ro pag implementar it mga temporaryo nga tikang sa pag limita ku mga hueag ag transportasyon, regulasyon sa mga naga bukas nga industriya ag ro presensya ku mga unipormadong tawohan para sa pag patuman ku mga sueondanan ku community quarantine.
Ro MGCQ mat a hay rong transisyon halin sa GCQ ag New Normal kung siin ro mga masunod nga temporaryong pamaagi hay medyo haeuga ag bukon eon gid it kinahang-ean: ro pag limita sa mga hueag ag transportasyon, regulasyon sa mga ga bukas nga industriya ag ro presensya it mga unipormadong tawohan para sa pag patuman ku sueondanan ku community quarantine.
Gin manduan ni Pangueong Duterte si Presidential spokesperson Secretary Harry Roque nga imaw lang mag paabot it balita pa kung siin pa nga mga lugar ro may mga pag bag-o kung siin hay gina hambae ku Punong Ehekutibo nga: the viability of the place to meet the challenges of COVID -19.”
“Ro Estado hay may rason nga mag kontrol sa inyong mga hueag kung kamo hay mag patapon sa bilog nga popolasyon,” hambae ku Pangueo sa mga tawo pinaagi sa Live National TV. (JBG/JERR/PIA 6 Aklan)
Source: Philippines Information Agency (pia.gov.ph)
0 Comments