TAGBILARAN CITY, June 3 (PIA) -- Gipahibalo sa Social Security System (SSS) niadtong Martes, Hunyo 2 nga gi-uswag nila ang deadline sa contribution payments ngadto na sa Hunyo 15, 2020.
Kining bag-ong ekstensyon naglakip sa contribution payments sa tanang household employers, self-employed, voluntary ug non-working spouse members alang sa unang kwarter sa 2020, ug contribution payments sa tanang regular employers alang sa mga buwan sa Pebrero, Mayo ug Abril 2020.
Ang mga employers nga may approved installment proposals ubos sa Contribution Penalty Condonation Program, may higayon pa usab taman Hunyo 15, 2020, sa pag- deposit sa ilang post-dated checks nga due sa Pebrero, Marso, Abril ug Mayo 2020.
Si SSS President ug CEO Aurora C. Ignacio miingon nga ang ekstensyon gitumong aron paghatag sa mga miyembro ug employers og dugang panahon sa pagbayad sa ilang kontibusyon tungod sa mga restrictions taliwala sa gisagubang nato karong problema tungod sa coronavirus disease 2019 (COVID-19) pandemic.
Gi-awhag ni Ignacio ang mga miyembro ug employers nga dili na mohulat sa adlaw sa deadline sa pagbayad sa ilang kontribusyon ug gi-awhag usab niini ang paggamit sa online ug mobile payment facilities gawas sa over-the-counter transactions pinaagi sa mga SSS branches, ug ang mga bank ug non-bank partners niini.
Matud pa usab ni Ignacio nga ang indibidwal nga mga miyembro, mahimong mobayad sa ilang kontribusyon pinaagi sa Moneygment ug sa My.SSS web portal sa ilang website, PayMaya pinaagi sa SSS Mobile App, Bayad Center Mobile App, o pinaagi sa online banking facility sa Security Bank alang sa mga adunay deposit account sa maong bangko.
Ang mga regular employers mahimo usab mobayad pinaagi sa bank web facilities sama sa Bank of the Philippine Islands – Bizlink, Security Bank Corporation Digibanker, Union Bank of the Philippines, o pinaagi sa eGov BancNet online.
Samtang ang mga household employers mahimong mobayad pinaagi sa Security Bank Corporation Digibanker.
Apan ang ‘no contributions paid retroactively by a self-employed, voluntary, or non-working spouse member’ ang gamiton sa pag-determinar sa iyang eligibility alang sa bisan unsang benepisyo gikan sa contingency diin ang petsa sa pagbayad nahisulod o human sa semester sa contingency.
Ang payment deadlines sa mga employers alang sa applicable months human sa Abril 2020 ug payment deadlines sa self-employed, voluntary, ug non-working spouse members alang sa applicable months human sa Abril 2020 o quarters human sa quarter ending 31 Marso 2020, mosunod sa regular payment schedule.
Alang sa dugang kasayoran, gi-awhag ang mga miyembro sa pagbisita ug pagsunod sa SSS Facebook page ug sa “Philippine Social Security System.” (ecb/PIA7-Bohol)
Source: Philippines Information Agency (pia.gov.ph)
0 Comments