TAGBILARAN CITY, Bohol, July 31 (PIA) –- Buot ni Presidente Rodrigo Roa Duterte nga pun-an ang mga departments sa Kagamhanan ug himoon nga ang Department of Overseas Filipinos kang kinsa nga gimbuhaton, magtutok lamang sa mga hisgutanan ug suliran sa mga Pinoy nga tua sa gawas sa nasud ug ang ilang mga banay.
Kini maoy usa sa mga gihangyo sa Presidente ngadto sa nagkatapok nga mga sakop sa Ubos Balay Balaoranan ug sa Senado aron pagpamati sa mga prayoridad sa Presidente sa nahibilin nga mga tuig sa iyang pagpangulo sa nasud.
“Ako nga giaghat ang Kongreso sa pagpasa sa balaod nga magmugna sa Department of Overseas Filipinos kang kinsang gimbuhaton makatutok sa pagtagad sa mga suliran ug hisgutanan sa mga Pilipino nga tua sa gawas sa nasud ug sa ilang mga pamilya. (I strongly urge Congress to pass a law establishing the Department of Overseas Filipinos [focused] solely on addressing the concerns of Filipinos abroad and their families, hangyo sa Presidente.
Ang mga pag-atiman sa mga Overseas Filipino Workers (OFWs) kanunay na gayud nga prayoridad ni Presidente Duterte sanglit iya na usab kini nga nalitok niadtong ika upat nga SONA.
Ang pag-atiman sa mga Pilipino kinsa nanarbaho sa langyaw nga lugar, nahimong dako nga prayoridad ni Duterte kinsa nakakuha og dako nga pagsuporta sa komunidad sa mga OFWs.
Sukad pa sa iyang pagpangampanya niadtong 2016, nahimo na nga dako nga prayoridad sa kanhi mayor sa Davao ang OFWs, gani lakip sa mga labing unang dinagko nga mga reporma sa programa sa mga OFWs natala na sa iyang termino.
Human makaabut na sa mga Pinoy kinsa nanimpalad sa langyaw nga lugar ang pag-amoma sa kagamhanan, ang pagseguro nga kini molungtad ug ang ilang pagpanalipod ug sayon nga pagkab-ot sa mga serbisyo mao na usab ang tutokan sa katukuran sa DOF.
Sa iyang SONA sa 2019, gitukbil sa Presidente ang paglagdaay na sa bilateral labor agreement uban sa Kuwait niadtong Mayo 2018, nga nagpa-undang na sa mga abuso ngadto sa mga OFWs.
Sa laing bahin, gimandu usab ni Duterte ang pagpangabaga sa recruitment sa mga trabahante nga Pinoy alang sa nga yutang langyaw, nga himoon na lamang sa kagamhanan human namatikdan nga daghan nga mga ahensya ang abusado usab sa mga trabahante nga ilang gipadala sa gawas.
Kasagaran nga mga taho nga makalusot ngadto sa kagamhanan nagbutyag sa mga trabaho-an nga hilabihan ka dili makitawhanon, pagpanapat ug ang pagpanglingla ug pangilad sa mga OFWs nga ming-abut na sa pagpangbitay na gani sa mga trabahante nga mahukman nga mingsukol sa ilang mga amo.
“Ako nga usbon paghnagyo ang paspas nga pagpasupot sa nahisggutan nga balaod,” aghat ni Duterte didto sa SONA nga gisaksihan usab sa liboan ka mga Pilipino nga nagmonitor sa TV ug sa internet.
Matud niya, “kon ang Department of Overseas Filipinos kanhi sakop lamang sa Department of labor, kang kinsa nga mga trabahante sobra sa trabaho, mao nga kasagaran nga mga hisgutanan, reklamo ug hangyo sa mga OFWs, dili na maatiman gilayon. (rahc/PIA-7/Bohol)
Source: Philippines Information Agency (pia.gov.ph)
0 Comments