MALAYBALAY CITY, Bukidnon, July 28 — Usa sa daghang kaugmaran nga gi-istorya ni Presidente Duterte atol ning mi-aging State-of-the-Nation Address kon SONA mao ang pagpauswag sa katawhan labi na ang naa sa layong kabarangayan.
Busa iyang gi-ingnan ang nagkalain-laing mga pangulo sa ahensya labi na ang Technical Education and Skills Development Authority kon TESDA paghimog kalihukan sama sa ‘Skills Training’ aron makapanginabuhi ang tawo diha sa gitawag ug ‘Cottage Industries’.
‘Sample sa Cottage Industries’ mao ang pagpamuhat ug banig, rugs kon mga trapo, dressmaking, tailoring, ug uban pang ginagmay nga pangwarta sa mga kababayen-an samtang naa ra sila sa balay.
Samtang mao kana ang 'overall program’ sa gobyerno karon nationwide, mao pud nay gabuhaton ni Bukidnon 3rd District Congressman Manuel “Manoy” Zubiri.
Kini atong nasayran atol sa Press Conference ni Congressman Manoy Zubiri uban ni Malaybalay Vice-mayor Atty. Jay Warren Pabillaran nga gipahigayon didto sa Loiza’s Pavilion sa Casisang, Malaybalay niadtong mi-aging adlaw.
Ug tungod kay layo pa ang harvest sa humay, gipadayon ni Congressman Manoy ang pagpanghatag ug bugas.
Sa mi-aging adlaw, mi-release siya’g Otso syentos diez y siete kon 817 ka packs sa bugas didto sa Musuan, Maramag.
Duna po’y mga ‘Disabled Persons’ nga iyang nataga-an ug ‘Wheel Chairs’.
Sa maong Press Conference, gipahayag pud ni Congressman Manoy Zubiri nga bisan gawas sa iyang Distrito, ang Social Amelioration Program niya gapadayon.
Pananglitan sa Malaybalay, Libona, ug Talakag, ang iyang mga ‘sewing machines’ nangabot na didto. (RLRB/PIA Bukidnon)
Source: Philippines Information Agency (pia.gov.ph)
0 Comments