Mensahe ng GF ni Emman Nimedez sa vlogger, dumurog sa puso ng netizens

Photo Credits: Peachy Bonifacio Santos | Facebook

"Magpakasal nalang tayo sa heaven para si Lord pa magkakasal satin."

Dumurog sa puso ng fans at netizens ang mensahe ni Peachy Bonifacio Santos, ang girlfriend ng kilalang Youtuber na si Emman Nimidez na pumanaw nitong August 16, 2020 dahil sa sakit na Acute Myeloid Leukemia.


Sa kanyang Facebook post, inilahad ni Peachy ang kanyang kalungkutan at pag-alala sa maagang paglisan ng kanyang nobyo.

Narito ang buong mensahe: 

Paunti unti nagsisink in na sakin.. Paunti unti kinakain nako ng kalungkutan..

Mahal, una sa lahat. maraming salamat sa 4 na taon na magkasama tayo pinaranas mo sakin yung totoong pag mamahal. 4 na taon na napakasaya ng buhay ko. 4 na taon na puro pagmamahal at walang kasawaang suporta galing sayo. Sinanay moko nalagi kang nanjan. Di mo ko iniwan at alam ko pangako nating dalawa yun sa isa't isa na di natin iiwan ang bawat isa. Ikaw ang greatest love ko.

Tinupad mo mga yung mga bucket list natin sa buhay at ako na muna magtutuloy nun ha. Dahil sayo natuto ako mag edit, lumakas loob, mag mature, maging masayahin at magmahal ng sobra sobra. Hindi ako magiging peachytwice ngayon kung hindi dahil sayo. At hindi dahil sayo 4 na taon akong napakasaya.

Mamimiss ko lang yung mga "luto mo ko.." "goodmorning baba vlog na tayo.." "galing mo na mag edit ha" "ang taba ng pisngi mo pero love kita at maganda ka" "ano gusto mo food?" "masaya ako dahil nandito ka sa tabi ko"


Pero sobrang sakit mahal, sobra. nadudurog nako. Pero kakayanin ko at babangon ako sa tamang panahon. Natatakot ako mag isa sa totoo lang. Dahil lahat ng ginawa ko nanjan ka sa tabi ko para gabayan ako sa lahat ng bagay. Masakit dahil yung huling sinabe mo sakin bago mangayre lahat ay "mahal kita." Itatatak ko sa puso at isip ko to. Walang segundo or minuto na di ka nawawala sa utak ko. Mahal sobrang sakit sobra sobra kung pwede ko lang ibalik sa dati gagawin ko kung pwede lang makuha ko lahat ng sakit gagawin ko.

Nagbago tingin ko sa mundo simula nung nanjan ka, pinakita mo sakin kung gano kaganda mabuhay. Tinuruan mo puso ko magmahal ng tunay at walang pagaalinlangan. Binigyan moko ng bagong mga kaibigan at bagong pananaw sa mundo.

Sobrang gulo netong mga sinasabe ko ngayon dahil lahat to tinytype nalan ng kamay ko at ng puso ko. Hindi pa to ang huling pag kikita natin. Sa kabilang buhay hahanapin kita agad at yayakapin.

Please lang pumunta ka naman sa panaginip ko kahit isang yakap at halik lang at sabihin mo sakin na "kaya mo yan" magiging sobrang saya kona.


Kakayanin ko at babangon ko sa tamang panahon.

Mahal na mahal kita baba... dito ka lang sa tabi ko ha. Maraming salamat mahal ko.. Magpakasal nalang tayo sa heaven para si Lord pa magkakasal satin.





Source: 1
Source: Daily Sentry