MARAWI CITY, Sep. 2 (PIA) - Ang Department of Social Welfare and Development (DSWD) mag padayon sa pag-apod-apod sa P14,400 nga Transitory Family Support Package subay sa hugot nga pagsunod sa mga protocol sa kahimsog sa pakigbatok sa sakit nga coronavirus (COVID-19).
Ang iskedyul sa pag-apod-apod nasuspinde tungod sa usa ka Executive Order nga gi-isyu sa lungsod sa Marawi nga pagsuspinde sa mga operasyon alang sa mga ‘function hall’ sa lungsod sulod sa katorse (14) ka adlaw tungod sa pagdagsang sa mga lokal nga pagtakod sa COVID-19.
Nakigpulong ang DSWD Region 10 kang Mayor Majul Gandamra ug sa 24 ka mga Punong Barangay aron hisgutan kung unsa pa gyod ang mga pamaagi alang sa padayon nga pag-apod-apod aron wala’y ma-kompromiso sa mga protocol sa panglawas.
Gi-presentar sa DSWD ang mga rekomendasyon alang sa padayon nga pag-apod-apod ug giklaro kung unsa kamahinungdanon ang papel sa mga barangay local local government unit (BLGU).
Gipasalig usab sa Philippine Army ug BLGU nga palig-onon ang pagpadayon sa kalinaw ug kahusay aron masiguro nga hugot ang pagsunod sa mga ‘health protocol’ kon mga angay sundon alang sa kahimsog aron malikayan ang pagkuyanap sa COVID-19 samtang padayon ang pagserbisyo sa gobyerno ngadto sa katawhan. (BGE/PIA-ICIC)
Source: Philippines Information Agency (pia.gov.ph)
0 Comments