TAGBILARAN CITY, Oct. 21 (PIA) -- Gipahibalo sa Land Transportation Office (LTO) niadtong Lunes, Oktubre 19 nga dawaton na og balik sa ilang mga buhatan ang mga may edad 17 hangtod 21 anyos ug 60 hangtod 65 anyos nga magproseso sa ilang mga lisensya ug ubang opisyal nga transaksyon. .
Kini base na usab sa rekomendasyon sa Inter Agency Task Force (IATF).
“Alinsunod sa rekomendasyon ng IATF, ang mga opisina ng LTO ay muling makakapaglingkod sa mga kliyenteng 17-21 taong gulang at 60-65 taong gulang,” matud pa sa gipagawas nga advisory sa LTO.
Matud pa sa ahensya, ang mga naa sa edad 17 hangtod 21 na ug 60 hangtod 65 anyos nga gustong mo-apply og student permit, driver’s license ug conductor’s license mahimo nang moadto sa mga buhatan sa LTO.
Gipahinumdom usab sa LTO nga gi-uswag ang validity sa mga nag-expire nang lisensya sulod sa gipatuman nga restriction period hangtod na sa Disyembre 31 ning tuig. (ecb/PIA7-Bohol)
Source: Philippines Information Agency (pia.gov.ph)
0 Comments