SAN JOSE, Antique, Oktubre 22 (PIA) -- Sangka no-contact specimen collection booth nga gindisenyo kang Department of Science and Technology (DOST) 6 ang gintugro sa Angel Salazar Memorial General Hospital (ASMGH).
Pinaagi sa kadya nga specimen collection booth, mahimo kang mga katapo kang ospital nga magkuha kang mga specimen sa mga pasyente nga wara run nagakinahanglan pa kang physical contact kananda.
Naga-mentinar man kang positive pressure ang sulod nga bahin kang booth nga halin sa ventilator nga may filter agud mapa-iway ang outside contamination.
Suno kay Antique Provincial Science and Technology director Abraham Fabila, nangin kabahin ang Iloilo Science and Technology University (ISAT-U) sa paghimo kang specimen collection booth kun sa diin gintugro man dya sa mga nagkalain lain nga mga ospital sa rehiyon.
Ginpahayag man ni Fabila nga ang dya nga specimen collection booth ang sara sa mga inisyatibo kang DOST agud makabulig sa paghagan hagan kang impact kang pandemya. (JSC/LML/PIA6 Antique)
Source: Philippines Information Agency (pia.gov.ph)
0 Comments