TAGBILARAN CITY, Nov. 25 (PIA) -- Agi og pag-promote sa public awareness ug hingosgan ang pagpasabot kabahin sa kontobersyal nga RA 11479 o ang Anti-Terrorism Act of 2020, ilusad sa Philippine Information Agency Region 7 (PIA-7) ang Facebook Trivia kalabot sa Anti-Terror Law sa umaabot Disyembre 1, 2020.
Tungod sa pagkagubot sa pagpalabang sa balaod bisan wala pa nahuman ang Implementing Rules and Regulations (IRR), kadaghanan ang wala pa gayud nasayod sa probisyon sa gi-debatehan pag-ayo nga balaod.
Si Presidente Rodrigo Roa-Duterte, kinsa ni sertipikar isip ‘urgent’ ug ang House of Representatives ni aksyon dayon niini, miingon nga ang tumong sa bag-ong balaodnon mao ang pagpanalipod sa nasud gikan sa bayolenteng pag-atake sa mga terorista.
“For the law-abiding citizen of this country, I am addressing you with all sincerity: Huwag ho kayong matakot kung hindi ka terorista,” (Alang sa mga masunoron sa balaod niining nasud, Ako kining isulti kaninyo: Ayaw kamo og kahadlok kung dili kamo terorista) matud pa ni Duterte sa usa ka televised address niadtong Hulyo.
Ang pagtapos sa insurhensya ang naa sa nag-unang agenda sa listahan ni Presidente Duterte, nagpasiugda sa whole-of-nation approach sa iyang prayoridad nga peace and order program - Ending Local Communist Armed Conflict (ELCAC) – ug nag-brand sa CPP-NPA-NDF isip communist terrorists.
Sa paggamit sa digital channel isip strategic platform sa pakigsulti ug pagpakatap sa impormasyon sa gobyerno taliwala sa pandemic, ang PIA-7 mipadayag og panghinaot nga ang FB Trivia kalabot sa Anti-Terror Law makatabang sa pagpasabot sa katawhan.
Ang PIA-7 mo-post ug usa ka pangutana matag adlaw sa ilang FB Page sugod sa Disyembre 1, 2020 ug ang unang makahatag og saktong tubag makadaog og P100 nga load card.
Tanang 5 ka Facebook Pages sa PIA-7 ang gamiton sugod sa rehiyonal nga buhatan niini ug sa 4 ka FB pages sa lalawigan sa Cebu, Bohol, Negros Oriental ug Siquijor, apan pinaagi sa scheduled basis. (ecb/PIA7-Bohol)
Source: Philippines Information Agency (pia.gov.ph)
0 Comments