TAGBILARAN CITY, Nov. 13 (PIA) -- Temporaryong ihunong una sa kagamhanang syudad sa Tagbilaran ang pagpangdawat og locally stranded individuals (LSIs) ug authorized persons outside residence (APORs) agi og paglikay sa senaryo sa pagsaulog sa Pasko ug Bag-ong tuig sulod sa mga quarantine facility.
Pinaagi sa Facebook post niadtong Miyerkoles, Nobyembre 11, gipahibalo sa kagamhanang syudad sa Tagbilaran nga ang Tagbilaran City COVID-19 Task Force dili una modawat og mga LSIs ug APORs gikan Disyembre 8, 2020 hangtod Enero 4, 2021.
Maghatag usab kini og igong panahon sa kagamhanang syudad sa pagpahigayon og pagpaayo ilabi na sa mga libreng pasilidad ug maghatag usab kini og kahigayonan sa mga health workers ug front liners sa ilang gikinahanglang pahulay.
“This has been agreed upon to avoid the scenario of spending Christmas and/or new year inside the quarantine facility. This will also give us time to conduct repairs especially in our free facilities and give our health workers and front liners their much needed rest,” (Ato na kining gikasabuta aron makalikay sa posibilidad nga magsaulog sa pasko ug bag-ong tuig ang LSI sulod sa Quarantine facility. Maghatag usab kini kanato sa higayon sa pagpang-ayo sa mga nangadaut sa atong libre nga mga pasilidad samtang maghatag sa atong health workers ug front liners sa ilang gikinahanglang paghuway) saysay pa sa Facebook post.
Apan gitumbok sa kagamhanang syudad sa Tagbilaran nga gikinahanglan gihapon ang mandatory quarantine sa pag-abot sa syudad.
Ibalik ang pag-proseso sa mga dokumento sa mga LSI ug APOR sa umaabot Enero 5, 2021. (ecb/PIA7-Bohol)
Source: Philippines Information Agency (pia.gov.ph)
0 Comments