Cebuano News: PRRD, mitanyag og ganti sa mga mosumbong sa mga anomaliya sa kontrata sa gobyerno

TALIWALA SA GIINGONG DAGHANG WALA NA MOTUO. Gipadayagni Pres. Rodrigo Duterte ang iyang tanyag nga ganti ngadto sa si bisan kinsa nga makasumbong sa nagpanghitabo nga pangurakot sa goberno, sa iyang katapusang hunat subay sa saad sa iyang kampanya nga bungkagon ang mga baliktos sa pangurakot. (PIA Bohol)  

MANILA, Nov. 11 (PIA) -- Mitanyag og ganti si Presidente Rodrigo Roa Duterte sa bisan kinsang makasumbong batok sa mga opisyal sa gobyerno nga nalambigit sa anomaliya ug korapsyon.

Sa gipahigayong national briefing sa Presidente Martes sa gabii, gipahibalo niini nga mohatag siya og P50,000 sa makatudlo sa mga small contracts samtang P100,000 usab alang sa mga dagkong kontrata.

Matud pa sa Presidente nga angay ipaagi ang mensahe sa bisan kinsa nga kalihim sa iyang kabinete.

Misaad si Duterte nga itago niya ang pagkatawo sa informant hangtod sa iyang kamatayon.

Kun makadawat og pagpanghulga ang informant, giingong ipahibalo lamang kini kaniya ug siya na ang bahala.

Una nang gi-anunsiyo sa Presidente ang mga pangalan sa mga opisyal sa gobyerno nga giingong nalambigit sa anomaliya ug korapsyon. (ecb/PIA7-Bohol)

Source: Philippines Information Agency (pia.gov.ph)