TAGBILARAN CITY, Bohol, Dec. 22 (PIA) -- Aron sa paghatag sa mga moanhi sa Tagbilaran sa taas-taas nga panahon sa pagpamalit, gipadayag sa Mayor sa Tagbilaran ang pag-uswag sa curfew nga gipatuman dungan sa pagpanalipod sa syudad batok sa coronavirus disease (COVID-19).
Pinaagi sa video blog number 36, gipahibaw ni City Mayor John Geesnell Yap nga nga sugod karong Martes, Dec. 22, 2020, hangtud sa Enero 2, 2021, e adjust nato ang curfew.
Ang bag-o nga schedule sa curfew sa Tagbilaran, magsugod na sa alas 12:00 sa tungang gabii hangtod sa alas 4:00 sa saying buntag, pahibaw sa mayor.
Kani para ma decongest ang mga tao ug malikayan ang pagdalidali nga niresulta na hinuon sa pagtapok kay nag-apas sa curfew karong Christmas season.
Nahimo nga usa sa mga rason nganagpunsisok ang mga tawo sa mga malls, kay nag-apas kini nga dili maabtan sa mga curfew ilabi na kon manguli pa sa halayo nga mga dapit, segun sa mga sakop sa Bohol InterAgency task Force.
Ug sa nagpadayon pa gihapon nga huhungihong kabahin sa giingon nga lockdown sa Tagbilaran tugod sa coronavirus disease, gipatin-aw kini sa Mayor sa syudad..
“Ang giingon nga news nga naay lockdown sa Tagbilaran, fake kana sya, saysay sa batan-ong mayor.
Matud pa niya, ang gisawhan nga huhungihong naka-ingon na sa panic ug dugang kahingawa sa mga tawo.
Hinuon usab, gibutyag sa mayor nga dili pa gihapon tugotan ang mga Christmas party, og gidili sa pod gihapon ang panaygon, tungod sa nagpadayong hulga sa COVID-19. (rahc/PIA-7/Bohol)
Source: Philippines Information Agency (pia.gov.ph)
0 Comments