KALIBO, Aklan, Pebrero 3 (PIA) - - - Gina obra gid it gobyerno ro tanan nga makaya para masuk-ean ro makango-eosbo nga epekto ku rayang
pandemya sa Coronavirus o kun COVID 19.
Sa anang Dino-minggohan nga pag hambae sa publiko hanungod sa sabat it gobyerno sa pandemya, gintalakay ni Pangueong Duterte ro atong
ekonomiya pag katapos nga ginpaguwa it gobyerno ro kahimtangan it nasyon, eabi eon gid ro atong Gross Domestic Product o kun GDP.
Bangod sa sigidas nga pag patuman it mga restriksyon para mapunggan ro pag eap-naag ku virus, ro nasyon hay naduea-an it bilyon-bilyon sa
productivity dueot ko rayang pandemya, hambae ku Presidente.
“Suno sa atong Secretary of Finance, adlaw-adlaw makaron hasta matapos ro problema ngara, nagakapirde kita it daywang Bilyon nga kuarta nga
kunta hay paga kita-on ku atong mga Pilipinong pumueoyo, kunta, kung ro atong ekonomiya hay naga hueag man, hay owa ngani,” hambae nana.
“Ngani, naga eubong nga naga eubong kita, pero gina tinguhaan gid naton nga maka-eampuwas gihapon,” dugang pa nana.
Owa man naga isaeanhon ro Pilipinas, hambae na, haeos bilog man nga kalibutan hay bagsak ro ekonomiya.
Bangod kara, gina himok gid it pangueo ro mga Pilipino nga magsalig eang it mayad. Ro atong tsansa hay pinaagi sa maeaparan nga pag bakuna nga kung siin hay may problema pa ngani bangud sa kakueangan it suplay.
Ro ekonomiya it nasyon hay bumagsak gid sa dag-ong 2020 matapos nga ro atong GDP hay nag isot sa last quarter it nagtaliwan nga dag-on suno
sa Philippine Statistics Authority o kun PSA. (JBG/JERR/PIA 6 Aklan)
Source: Philippines Information Agency (pia.gov.ph)
0 Comments