Cebuano News: DICT, nipasidaan batok sa mga nagpailang opisyal sa ilang buhatan

Caption

TAGBILARAN CITY, May 31 (PIA) -- Nipasidaan ang Department of Information and Communications Technology (DICT) sa publiko batok sa mga nagpailang opisyal o kawani sa ilang ahensya nga nangayo og donasyon.

“The same scheme was also reportedly used to impersonate officials from other government agencies,” matud pa sa gipagawas nga pahayag sa DICT.

Giingong nagamit ang numerong +639632779623 sa ilang scheme nga walay kalabotan sa bisan kinsang opisyal o kawani sa DICT base na usab sa ilang opisyal nga record.

Matud pa nga ang maong mga personahe dili kauban o walay pagtugot sa pagrepresentar sa DICT.

“Let it be known that these persons are neither affiliated nor authorized to represent the DICT,” matud pa sa pahayag sa ahensya.

Gi-awhag usab sa DICT ang publiko nga magbinantayon ug ipahibalo ang mga kadudahang aktibidad sa information@dict.gov.ph. (ecb/PIA7-Bohol)

Source: Philippines Information Agency (pia.gov.ph)