STATE OF CALAMITY. Gilagdaan ni Pres. Rodrigo Duterte ang Proclamation No. 1143 niadtong Mayo 10, 2021, nga nagdelara og State of Calamity sa tibuok nasod sulod sa usa ka tuig tungod sa African Swine Fever. (PCOO/PIA)
MANILA, May 12 (PIA) -- Gideklarar ni Presidente Rodrigo Roa Duterte ang State of Calamity sa tibuok nasod sulod sa usa ka tuig tungod sa African Swine Fever (ASF).
Ang kamanduan gipagawas sa Malakanyang base sa Proclamation No. 1143 nga gilagdaan ni Duterte niadtong Mayo 10, nga nagdeklara og State of Calamity sa nasod tungod sa ASF outbreak.
Matud pa ni Presidential Spokesman Harry Roque, ang kamanduan sa Presidente nahimong epektibo sugod niadtong Mayo 10 ug sulod sa usa ka tuig.
Giingong gawas na lamang kun sayo kining tangtangon o i-uswag pa, depende kun kinahanglanon sa sitwasyon.
Gimanduan usab ang tanang buhatan sa gobyerno apil na ang local government units nga magtinabangay aron masigurong matuldokan ang pagkuyanap sa ASF.
Gipasiguro usab ni Duterte nga igo ang suplay sa karne sa merkado ug himuong stable ang presyo niini.
Pahatagan usab og ayuda ang mga magbababoy aron makarekober sa ASF. (ecb/PIA7-Bohol)
Source: Philippines Information Agency (pia.gov.ph)
0 Comments