Cebuano News: Aghat ngadto sa mga Muslim: Sa balay lang pagsaulog tungod sa COVID-19

CORTES, Bohol, May 24 (PIA) -- Miawhag ang Department of Interior and Local Government ngadto sa mga kaigsoonan nga Muslim nga magsaulog sa pagtapos sa buwan sa Ramadhan ug sa Eid’l Fitr (Paglibkas sa Pag-puasa), nga adto sa lang himoon ang mga pag-ampo sa mga kabalayan, samtang nagpadayon pa ang hulga sa pandemic sa coronavirus disease 2019 (COVID-19).

Kini dungan usab sa panghinaut ug pagtimbaya ni DILG Secretary Eduardo Ano sa balaan nga pagsaulog, apil sa panghinaut nga mapalig-on sa pagtuo ug kalooy sa isigkatawo, diha sa makahuloganon nga nga pagpaabut sa pagsadya nga magtimaan sa katapusan sa pagpuasa  gikan sa bag-ong gabii ngadto sa banagbanag.

“Apon mapaneguro ang luwas nga banay ug mga komunidad, giaghat nato ang mga igsoon nga Muslim nga adto na sa mga balay una magtamud sa mga pag-ampo sa Eid, aron mapasunod pa gihapon ang lagda batok sa panagtapok-tapok samtang nagpadayon pa ang pagpakigbatok sa COVID-19,” suwat ni Ano didto sa advisory ngadto sa local government units (LGUs) lakip na ang Bangsamoro Autonomous Region sa Muslim Mindanao (BARMM).

“Nga unta magpadayon ang pagbansay sa disiplina nga maoy importante nga gawi sa pagtuman sa mga sumbanan sa quarantine ug mga latid alang sa luwas ug kaayohan sa tanan.

Ang direktiba sa DILG Chief lukop nga magamit alang sa tanang LGUS nga naa sa enhanced community quarantine (ECQ), modified ECQ, o general community quarantine (GCQ).

“Gipahinumdom usab ni Sec Ano nga ang pagpugong sa sakit mas maayo kay sa pagpatambal ilabi na kay wala pay tambal nga nadiskobre batok sa COVID.

Niini, aghat sa pagsakripisyo ug disiplina alang sa kaayuhan sa kadaghanan ang panawagan ni Ano.

Sa mga kabalayan na lang kon maghimo man og yano nga mga pagsaulog, pahinumdom niya.

Samtang sa laing bahin, si DILG Spokesperson ug Undersecretary Jonathan E. Malaya mipahibaw nga alang sa mga Filipino Muslims, mahimo sila nga matan-aw sa IBC (Intercontinental Broadcasting Corporation) TV 13 o 15 kay dinhi mabati ang mga pag-ampo sa Eid ug khutba (wali) uban ni Dr. Julkipli Wadi sa University of the Philippines - Institute of Islamic Studies sa Quezon City.

Ang Eid’l Fitr natunong sa Domingo, Mayo 24, apan gitumbok nga ang regular nga holiday niini, sa Lunes na, subay sa Proclamation No. 944. (rahchiu/PIA-7/Bohol)

Source: Philippines Information Agency (pia.gov.ph)