LUNGSOD PASIG, Mayo 26 (PIA) -- Ugaliin na ang social o physical distancing, payo ng pamahalaang lungsod ng Pasig sa mag mamamayan, bilang ito'y bahagi na ng 'new normal' para maiwasan ang maaaring pagkahawa sa coronavirus disease.
Ayon sa pamahalaang lungsod, mahalaga ang pagpapanatili ng isang metro o higit pang distansya bilang safety protocol saan mang lugar na pinupuntahan ng mga tao.
Payo din ng pamahalaan na umiwas sa matataong lugar at kung maaari ay manatili lamang sa loob ng bahay liban na lamang kung kinakailangang lumabas upang bumili ng mga pangunahing pangangailan, gamot o di kay papasok sa mga industriyang pinayagan ng magbukas sa ilalim ng ipinatutupad na modified enhanced community quarantine. (Pasig City/PIA-NCR)
Source: Philippines Information Agency (pia.gov.ph)
0 Comments