Task Group Laban COVID-19 Water Cluster ng PCG nag-ambagan para sa relief packs

Namahagi ng relief packs ang Philippine Coast Guard (PCG) sa ilang construction workers at security personnel sa Pasay City nitong Sabado. Ang relief packs ay mula sa ambagan ng ilang miyembro ng Task Group Laban COVID-19 Water Cluster ng PCG. (Larawan mula sa PCG)

LUNGSOD PASIG, Mayo 3 (PIA) -- Nag-ambagan ang ilang miyembro ng Task Group Laban COVID-19 Water Cluster ng Philippine Coast Guard (PCG) ay nag-ambagan upang makatulong sa mga naapektuhan ng enhanced community quarantine (ECQ) bunsod ng COVID-19.

Umabot sa P46,000 ang nalikom na pondo mula sa isinagawang amabagan na ginamit naman upang makabili ng bigas, delata at instant noodles.

Nitong Sabado, ipinamhagi na  nang mga miyembro ng Task Group Laban COVID-19 Water Clustera ang mga relief packs  sa may 220 construction workers at security personnel sa Pasay City.

Samantala, patuloy ang Task Group sa pagsasagawa ng iba’t-ibang boluntaryong inisiyatibo para makatulong sa mga pamilyang apektado ng krisis dulot ng COVID-19. (PCG/PIA-NCR)

Source: Philippines Information Agency (pia.gov.ph)