LUNGSOD NG BATANGAS, Hunyo 3 (PIA) --Sa ilalim ng general community quarantine, inilunsad ng Colegio ng Lungsod ng Batangas (CLB) ang libreng online medical at online consultation sa mga mag-aaral, guro at iba pang kawani nito.
Sa pahayag ni CLB Vice President for Administration, Dr. Eleanore de Guzman, nais ng CLB na ma-monitor at matiyak na sa kabila ng pagkalat ng COVID-19 sa lungsod ay nasa mabuting kalusugan pa din ang mga miyembro ng kanilang komunidad.
“Mahalaga na mamonitor at matiyak na lahat ng mga estudyante, mga guro at mga non-teaching personnel ng CLB ay nasa maayos na estado ang kalusugan dahil ito lamang ang maaaring panlaban upang huwag kapitan o magkaroon ng COVID 19”, ani de Guzman.
Ang online consultation ay mula Lunes hanggang Biyernes, 8:00 ng umaga hanggang 5:00 ng hapon.
Ang mga estudyante, guro at iba pang kawani nito na nais ng medical consultation ay maaaring maglog on sa https://ift.tt/3gVaAoS at dental consultation naman ay https://ift.tt/304TTRG. (BHABY P. DE CASTRO-PIA Batangas with report from Batangas City PIO)
Source: Philippines Information Agency (pia.gov.ph)
0 Comments