KALIBO, Aklan, Hulyo 2 (PIA) - - - Si Presidente Rodrigo Duterte ku Martes, Hulyo 30, hay uman nga nag-apela sa mga Cebuanos nga sundon ro mga protocol it gobyerno para malikawan ro pag-eapnaag ku coronavirus disease 2019 (COVID-19), ag indi man pagkabigon nga insult sa popolasyon ro mga dugang nga pag istrikto nga anang gin patuman.
Bangud sa padayon nga pagtaas ku numero it kaso ku inpeksyon, ro Cebu hay gina konsidera nga “hotspot’ it COVID-19 sa Pilipinas.
“Kamo ro may pinaka-mataas nga kaso. Cebu eon makaron ro hotspot sa COVID. Haman? Abo kinyo ro owa magsunod. Ayaw kamo mainsulto, Cebuano man ako. Ayaw kamo maakig kakon. Gina obra ko malang ang trabaho,” hambae ni Duterte sa telebisyon.
Gin paabot ku pangueo ro anang pagka-dismaya sa mga taga Cebu bangod sa andang owa pag- kahakat sa baea-ti-an ngara. Owa naga obserbar ku stay at home order ag social distancing.
“Parehas sa Talisay, ro Talisay hay matsa tindahan adlaw-adlaw. Naga-inuman kamo ona, ga-sugae ag owa gid nahakat sa kataeagman sa palibot.“Magtarong kamo ag mag sunod,” hambae nana.
Suno sa Presidente, maskin paalin ro Metro Manila hay nagsunod sa mga pamaagi ku quarantine, maskin may mga bayolasyon, haeos tanan hay nagasunod.
Kung sundon eang gid ro mga pamaagi it quarantine kontrasa respiratory disease, ga-naba gid man ro mga kaso, pahayag ku Pangueo.
Ku Hunyo 22, gin mandu-an ku Pangueoro Environment Secretary ngasi Roy Cimatu para pangunahan ro gobyerno sa pagtapna ku COVID-19 sa Cebu. Binutang na man ro Cebu sa mas mahigpit nga Enhanced Community Quarantine o kun ECQ.
Ku Martes man gihapon, ro Cebu City Health Department hay nakalista it 353 nga bag-ong mga kaso nga nag-daea sa total nga kaso sa 5,494 nga may 2,723 nga recoveries ag 169 ka mga namatay. (JBG/JERR/PIA Aklan)
Source: Philippines Information Agency (pia.gov.ph)
0 Comments