Grade 12 student na nagdedeliver ng pagkain gamit ang roller blades binigyan ng bisikleta ng isang TV host

Mga larawan mula sa Facebook @ Gretchen Ho

Matapos magviral ang larawan ng isang grade 12 student na food delivery service gamit lamang ang kanyang roller blades sa pagde deliver ng kanyang mga produkto sa Barangay Tunasan,Muntinlupa City.

Kinilala ang nasabing food delivery boy na si Kean Arcilla Ramos, labing walong taong gulang ay labis na hinangaan dahil sa pagka maabilidad at madiskarte nito, upang maka tulong sa kanyang pamilya at matustusan ang may sakit na ama ngayong may krisis sa pandemya. *

Kakaiba ang diskarte ng binatilyong ito, dahil kadalasan ay mga motorsiklo o bike ang karaniwang gamit ng mga delivery service, na mas pinili ni Kean na roller blades ang gamitin niya sa pagde-deliver ng ibinebenta ang sarili niyang produkto na coffee at chocolate jelly.

At dahil sa nagviral nyang larawan, maraming netizens ang humanga sa grade 12 na astudyante at nais nilang magpahatid ng tulong sa binata.

Isa na nga rito ang sikat na TV host, professional volleyball player at dating PBB celebrity edition housemate na si Ms. Gretchen Ho.

Binigyan ni Gretchen Ho si Kean ng bagong bisekleta na magagamit nya sa pagde deliver ng kanyang mga produkto. 

Si Kean din ang kauna unahang nabigyan ng bike mula sa bagong charity project ni Ho para sa ating mga nagtatrabahong frontline workers sa gitna ng krisis sa pandemya. *

Larawan mula sa Facebook

Layon ng proyekto ni Ho na may magamit ang ating mga frontliners na pumapasok sa kani kanilang mga trabaho sa kabila na hirap ang mga ito sa pagba byahe dahil na rin sa lockdown.

Ang proyekto ni Ho sa tulong na din ng mga dating kasamahan nito sa professional volleyball ay nagtatag ng isang charity drive na tinatawag na Women in Action Project (WAP).

Mamimigay ang WAP ng 50 libreng bisekleta sa mga deserving beneficiaries na mga empleyado at frontline workers  na naapektuhan sa kanilang mga paghahanap buhay dahil sa krisis sa tranportasyon.

Matatandaan na si Kean ay ang grade 12 student na naghangad na makatulong sa kanyang pamilya lalo pa at may sakit ang kanyang ama na siya at ang kanyang nakakatandang kapatid ang naghahanap buhay para sa kanilang mag anak.

Bagaman, tumutulong din ang kanyang kuya na isa ring grab food delivery rider, ngunit ang kanilang ama ang pangunahing naghahanap buhay para sa kanilang pangangailangan. *

Mga larawan mula sa Facebook @Gretchen Ho

Ngunit dahil sa hindi inaasahang pangyayari, ay biglang nagka sakit sa prostate ang kanilang ama at wala pa namang pasok sa kanilang paaralan, kaya nagpasya ito na samantalahin ang pagkakataon na kumita kahit sa maliit na paraan.

"Nagsimula po ako sa pagdedeliver ng aking mga produkto gamit ang sarili kong pera, kasi natigil tatay ko sa pagbiyahe. walang magbabayad ng aming bills, at tambak na kami simula noong mag-lockdown," kuwento ng Grade 12 student.

“Ako po ay nag bebenta ng coffee at Chuckie jelly upang makatulong sa tatay kong may sakit (enlargement of prostate) na naka-catether at hindi makakapag trabaho,” ani Kean sa panayam sa kanya.

Dahil sa walang ibang magamit na sasakyan si Kean at hindi pa ito maaring magmaneho, kaya naisip niyang gamitin ang roller blades na napulot ng kaaniyang tita mula Singapore. *

Mga larawan mula sa Facebook @Cherry Arcilla Ramos

"I really thought of this business to help my father. But then sobrang hirap po dinanas ko noong una. Sobrang demotivated 'pag nare-reject and walang bumibili," dagdag pa ni Ramos.

Gayun pa man, hindi pa rin siya tumigil sa pagbebenta ng kanyang produkto. "Tinatagan ko po loob ko, nag-alok alok po ako," aniya.

Sobrang proud sa kanya ang kanyang ina na si Cherry Arcilla Ramos, habang naka roller blades karga karga ang hiniram na Grab food bag ng kanyang ama, at inupload ito sa social media.

Kinuhanan siya ng larawan ng kaniyang ina habang nagde-deliver gamit ang roller blades. Nag-viral ang mga ito sa social media kaya dumami ang mga bumibili sa kaniyang mga produkto.

"Si mama kasi mahilig mag-picture 'yan sa'kin po dahil proud po 'yan sa mga ginagawa ko. Nainis pa nga po ako 'pag pini-picturan ako niyan tapos ia-upload sa Facebook," ani Ramos. *

Mga larawan mula sa Facebook @Cherry Arcilla Ramos

Nilinaw din ni Ramos, na ang tatay niya at nakatatandang kapatid ang nagtatrabaho sa Grab. Ginamit lang umano nya ang bag para may paglagyan ng kaniyang produktong coffee at chocolate jelly.

Sa ngayon, ay umaabot na sa halos apat na libong shares ang larawan ni Ramos at naging laman din ito ng iba't ibang balita sa social media.

Source: Daily Sentry