KALIBO, Aklan, Septyembre 10 (PIA) - - - Gin hambae ni Pangueong Rodrigo Duterte ku Lunes nga may tiwala pa gid imaw kay Health Secretary Francisco Duque III.
Dugang pa nana nga bukon pa it oras para aywanan ni Duque ro anang puesto kapin eon gid nga ro nasyon hay naga pakig-away sa pandemya nga coronavirus
Sa anang pag hambae sa telebisyon, Gin pasalig it Presidente si Duque nga ona pa kana ro pagsalig ag mataas nga respeto it Pangueo.
“Secretary Duque, bukon it raya ro oras para mag-resign ka. Bukon pa it tyempo para mag-resign, Abo ang habati-an nga storya nga ga-resign ka. Mabahoe ang pagsalig kimo," hambae ni Duterte.
Naga pati si Duterte nga si Duque hay malimpyo ag nag hambae nga ro ana tang gina-hawagan hay ro mga opisyales nga imbolbado sa korapsyon.
Gina pahueat na anay si Duque sa kung ano man nga resulta ku imbestigasyon ku Philippine Health Insurance Corporation (PhilHealth), kung ro andang opisyales hay gina-akusahan it pang abuso ag mga kasae-anan.
Kon may pagkueang gid man sa parte ni Duque, hambae it Presidente hay intindido eon dun bangod sa mga abo ag mabahoe nga gina-pangatubang it opisyales sa pag padaeagan it mabahoe man nga organisasyon.
Pagkatapos ku imbestigasyon, ro Senate Committee of the whole hay nag rekomenda nga paga-pasaka-an it kaso criminal si Duque kaibahan ro mga pilang ka opisyal sa andang partisipasyon sa mga kwestionableng pag paguwa it bilyones nga pondo it PhilHealth sa idaeom ku andang emergency cash advance.
Si Duque hay nag serbisyo bilang ex-oficio chairman it PhilHealth.
May mga mambabatas man nga gusto pahalinon ni Duterte si Duque ag baykuhan it bag ong hepe it DOH nga kung siin, matibay sa korapsyon.
Ro Department of Justice, kon siin gin tugyanan ni Duterte para imbestigahan ro mga alegasyon it korapsyon kontra sa Philihealth, hay naka taeana nga mag-sumite it andang report sa masunod nga Domingo. (JBG/JERR/PIA)
Source: Philippines Information Agency (pia.gov.ph)
0 Comments