TAGBILARAN CITY, Sept. 29 (PIA) -- Gi-anunsyo sa Government Service Insurance System (GSIS) nga gibuksan nila og balik niadtong Lunes, Setyembre 28, ang COVID-19 Emergency Loan Program alang sa ilang mga miyembro ug pensiyonado.
Gihimo sa GSIS ang maong lakang nga pagbukas og balik sa loan window human gilagdaan ni Presidente Rodrigo Duterte ang Proclamation No. 1021 nga nag-uswag sa state of calamity sa nasod tungod sa pandemya.
Ubos sa COVID-19 Emergency Loan program, ang mga qualified borrowers nga adunay existing emergency loan mahimong makahulam og P40,000 aron mabayran ang ilang previous emergency loan balance ug makadawat pa gihapon og P20,000. Apan dili na kwalipikado nga maka-apply ang mga naka-avail na sa COVID-19 Emergency loan.
Matud pa sa GSIS nga ang maong loan program matapos sa Disyembre 27 ning tuig.
Kwalipikadong maka-apply ang mga miyembro nga aktibo sa serbisyo, gawas sa mga naka leave of absence without pay; walay pending nga administrative o criminal case; adunay “arrears” sa pagbayad sa mandatory life insurance contributions o may mga wala nabayri nga loan sa kapin unom ka buwan.
Aron masigurong adunay igong take-home pay pa gihapon ang borrowers human ma-avail ang loan, kinahanglang magbaton og minimum take-home pay nga P5,000 ang miyembro human sa pagkuha sa binuwang premium contributions ug loan amortizations gikan sa ilang sweldo, matud pa sa GSIS.
Samtang mahimong mo-apply sa loan ang mga senior citizen ug disability pensioners kun naa na sa 25 nga porsyento sa ilang basic monthly pension ang resulting net monthly pension niini human sa pag-avail sa loan.
Mahimong ma-download ang COVID-19 Emergency application form sa https://ift.tt/2VvCL3z.
Aron masiguro ang public health ug safety, mahimo usab mag-file ang mga miyembro ug pensiyonado pinaagi sa contactless method.
Mahimo nilang isumiter ang ilang emergency loan application pinaagi sa pension fund’s web based facility nga Electronic GSIS Member Online (eGSISMO).
Kinahanglan lamang mo-sign up ang mga miyembro alang sa ilang eGSISMO account nga makita sa https://ift.tt/3l1PDKa ibutang ang ilang GSIS business partner (BP) number.
Makuha nila ang mga BP number sa ilang office’s agency authorized officer o electronic remittance file handler; sa bisan asang buhatan sa GSIS.
Mahimo usab nilang e-email ang ilang emergency loan application sa designated email addresses sa mga branch office nga sakop sa ahensiya sa mga aktibong miyembro ug base sa lugar nga gipuy-an sa mga pensioner sa https://ift.tt/3ikkU93.
Matud pa sa GSIS nga mahimong mopili ang mga borrower, gawas sa pensioner, aron mag-file og loan application pinaagi sa GSIS Wireless Automated Processing System (GWPAS) kiosk nga makita sa tanang buhatan sa GSIS, Department of Education offices, provincial capitols, city halls, Robinsons Malls ug sa SM Supermalls.
Electronically credited sa Unified Multi-Purpose ID UMID card o temporary eCard account sa borrower ang loan.
Alang sa dugang pangutana kabahin sa emergency loan ug mga interesado, mahimong mobisita sa GSIS website nga http://www.gsis.gov.ph; GSIS Facebook account, @gsis.ph; email gsiscares@gsis.gov.ph; o motawag sa mga buhatan sa GSIS. (ecb/PIA7-Bohol)
Source: Philippines Information Agency (pia.gov.ph)
0 Comments