TAGBILARAN CITY, Sept. 28 (PIA) -- Wala gitugot sa Department of Health (DOH) sa mga ospital nga idugang sa bayronon sa mga pasyente ang mga Personal Protective Equipment (PPE) nga gihatag isip donasyon ngadto kanila.
Gitataw ni DOH Undersecretary Maria Rosario Vergeire sa usa ka online forum nga kini bisan nakabutang sa Department Order nga gitugotan ang pag-charge sa mga pasyente og 30% lamang sa kantidad sa PPE nga dili gikan sa donasyon.
“Yes, they are allowed to charge [for PPEs] under the Department Order 2020 0269, but charging for PPEs which are donated to them is strictly prohibited,” (Oo, gitugotan sila nga magpabayad sa PPEs ubos sa Dept Order 2020 0269 apan kadtong PPEs nga gihatag isip donasyon kanila, dili kini mahimo) pasabot ni Vergeire.
Matud pa nga may inventory sila sa mga donated PPE’S aron ma-monitor kun adunay overpricing.
Gipasabot ni Vergeire nga mahimong idugang sa bayronon sa pasyente ang administrative cost o ang akomodasyon ug bayad alang sa health workers nga kinahanglang mag-atiman sa usa ka pasyente.
Gidugang pa niini nga mahimo lamang idugang ang 30 porsyento sa kinatibuk-ang administrative cost sa usa ka ospital.
“Kung nasa intensive care unit ang pasyente, critical care iyon kaya mas maraming magagamit na PPE [ang mga health care workers]. Kung nasa ward (na may ibang pasyente), ‘pag nag-rounds ang doktor, isahan lang iyon, kaya mas kaunti ang paggamit ng PPE roon,” pasabot pa ni Vergeire. (ecb/PIA7-Bohol)
Source: Philippines Information Agency (pia.gov.ph)
0 Comments