MALAYBALAY CITY, Oct. 1 (PIA)—Gi-aprobahan sa Regional Inter-Agency Task Force o RIATF sa rehiyon 10 ang Resolution No. 92 sa probinsya sa Bukidnon nga nagdeklara sa Moratorium ug Suspension diha sa pagpangdawat ug mga Locally Stranded Individuals (LSIs) ug Returning Overseas Filipinos (ROFs).
Kini gumikan sa rekord nga nagkataas ang ihap sa nagpositibo sa COVID-19 sa probinsya diin nahilakip kini nga gideklara sa Department of Health nga usa sa mga “hot spots” sa Northern Mindanao.
Nasayran nga sugod sa pagpangdawat sa probinsya sa Bukidnon sa mga LSI ug mga ROF, ang probinsya diretso kini nakaangkon ug 21 ka kumpirmadong kaso sa COVID-19 ning mi-aging Hulyo 1, 2020.
Gumikan sa nagkadaghan nga gapangabot nga mga LSI ug ROF, kadaghanan sa mga Local Government Units o LGUs nagsugod sa pagdeklara ug mga ‘localized lockdown’ aron mapugngnan ang pagkuyanap sa COVID-19.
Ang nasangpit nga “Motion” gisuportahan ug gisegundahan sa ubang miyembro sa Region-10 IATF nga nag-aproba sa deklarasyon sa Moratorium ug Suspension sa pagpangdawat sa mga LSI ug ROF nga hangyo sa probinysa diin kini gi-implementar sugod Septembre 21 hangtud Oktubre 4 tuig 2020.
Gihangyo usab ang tanang katawhan sa Bukidnon nga ipahibalo ang ilang mga kaila ug kaparyentehan sa maong Moratorium nga dili una mo-uli sa probinsya hangtud matapos ang maong kamando-an. (PGO-PAIA/PIA Bukidnon)
Source: Philippines Information Agency (pia.gov.ph)
0 Comments