Cebuano News: Pahinumdom sa DOH: Di magpakampante sa community quarantine

TAGBILARAN CITY, Sept. 28 (PIA) -- Subling nipahinumdom ang Department of Health (DOH) sa publiko nga dili magpakampante bisan unsang community quarantine ang ipatuman sa gobyerno taliwala sa coronavirus disease 2019 (COVID-19) pandemic.

Matud pa ni DOH Undersecretary Maria Rosario Vergeire sa usa  ka online forum nga angay pa gihapong sundon ang minimum health standards bisan pa MECQ, GCQ, MGCQ o ECQ ang community quarantine.

Gipasabot pa niini nga ang Inter-Agency Task Force (IATF) magdesisyon dili lamang base sa numero sa mga kaso apan gitan-aw pa ang ubang indicators aron makita ang kinatibuk-ang sitwasyon.  

Giingong gitan-aw usab niini ilabi na ang kapasidad sa health care system nga makasugakod kun daghan ang kaso sa panahon karon.

Matud pa nga gi-konsiderar sa IATF ang tanang indicators nga gigamit sa gobyerno apil na niini ang case doubling time ug mortality doubling time.

Apan matud pa ni Vergeire nga nadesisyonan sa atong mga eksperto nga dili na kini sensitibo sa regular nga gigamit ug giya na lamang sa analysis.

Gipasabot pa niini nga ang gigamit mao ang attack rate ug group curve matag ikaduhang semana nga itandi ang numerong kaso gikan sa milabay nga duha  ka semana diin makita kun giunsa ang pagsaka sa gidaghanon sa kaso sa COVID-19.

“Pero at the same time we also analyze this together with the critical  care utilization,  kong di makaagapay ang isang  lugar  inspite na mababa palang  ang kaso  may times din na magdedesisyon ang IATF  na itataas,” (Apan sa sama nga higayon, ako kini nga dungang gitun-an ubay sa critical care utilization, kon dili maka-apas ang usa ka lugar, bisag pa kon ubos ang ilang kaso, may mga higayon nga mohukom ang IATF nga itaas ang estado sa kawarantina) matud pa ni Vergere.

“So this  kind of  modelling   and assumptions given by our institutions,   lagi naman  bukas  ang kagawaran ng kalusogan   dito sa mga ganitong modeling and if assumptions, ginagawa natin yan na guide  but as we say that nothing is certain at this point… hayaan natin magdesisyon  ang  IATF , ibibigay po  yan  ng ating president kapag  nabigay na sa kanya ang rekomendasyon,” dugang pa niini.

Matud pa ni Vergere nga kanunay hinumdoman nga dili lamang numero sa kaso ang tan-awon sa pag-ubos o pagsaka sa community quarantine. (ecb/PIA7-Bohol)

Source: Philippines Information Agency (pia.gov.ph)