BORONGAN CITY, Ika 29 han Setyembere(PIA) – Kataliwan hin pito ka tuig, tikang bumagyo an Yolanda, gin-abrihan ah Homonhon Island Community Hospital (HICH) Out-Patient Department (OPD) han Sabado, ika 26 han Setyembre, yana nga tuig.
Sumala han PGO Media, an OPD in may-ada lima nga consultation rooms nga may higdaan ngan lababo. May-ada gihapon botika kun diin libre an medisina.
Mga doctor han Felipe Abrigo Memorial Hospital ha Guiuan in ma-duty tulo ka adlaw kada semana basi makabulig han mga mulopyo ha walo nga barangay han Homnhon ngan ha isla han Suluan.
Ginbendisyunan naman ni Father Christian Ofilan, Parish Priest, an nasabi nga Out-Patient Department (OPD) han Homonhon Community Island Hospital (HCIH).
Sumala kan Adel Macalino, usa nga residente, makuri gud hadto komo waray napapalitan hin tambal ha isla, nakadto pa daw hira ha nayap (mainland) nakakapalit ngan kinahanglan pa nira bumiyahe ha dagat hin duha ngada upat ka oras tipakadto ha Guiuan ngan tipabalik.
Presente naman han simple nga seremonyas hi Dr. Ian Miguel E. Gabrino, isip Physician on Duty, HICH medical ngan admin staff, barangay officials, barangay healthworkers, ngan mga tawo tikang han Office of the Provincial Governor, ha pangunguna ni Phres Evardone nga tinaglawas ni Gov. Ben Evardone.
Kataliwan an pag bendisyon, dayon nangonsulta.
Han pagbagyo han Yolanda, naruba an main building han ospital, rason nga waray na ini makahatg serbisyo medical ha Homonhon, an isla nga tintutu-uhan nga siyahan nga dinaungan ni Magellan han 1521.
Segun kan Phres Evardone, nag-aluntaga na an provincial government hin P8-Milyones pagtuhay han building nga naruba. Posible daw mag full operation na an HCIH han Marso, sunod nga tuig. (nbq/PIA E. Samar)
Source: Philippines Information Agency (pia.gov.ph)
0 Comments