TAGBILARAN CITY, Oct. 19 (PIA) -- Mas gipagaan na sa Inter Agency Task Force (IATF) ang gipatuman niining limitasyon sa mga gitugotang makagawas sa balay.
Kini isip tubag sa mga panawagang tugotan nang makagawas ang mga menor-de-edad ug senior citizen aron makatabang sa pagbuhi og balik sa ekonomiya sa nasod.
Sa gipahigayong press briefing sa Malakanyang, miingon si Presidential Spokesperson Harry Roque nga ang mga may edad 15 hangtod 65 anyos gitugotan nang makagawas sa balay sa IATF.
Gidugang pa ni Roque nga gihatagan og gahum ang mga lokal nga kagamhanan sa pag-adjust sa age limit alang sa mga menor de edad depende sa sitwasyon sa COVID-19 sa ilang lugar.
Nihatag usab og update ang IATF sa listahan sa mga kauban sa mga authorized persons outside residence (APOR).
Giapil sa listahan ang mga repatriated overseas Filipino workers ug mga overseas Filipino nga mopaule sa ilang pamilya. (ecb/PIA7-Bohol)
Source: Philippines Information Agency (pia.gov.ph)
0 Comments