LUNGSOD PASIG, Okt. 17 (PIA) – Pinasalamatan ni Metropolitan Manila Development Authority (MMDA) Chair Danilo Lim ang grupong FFCAP Youth para sa kanilang mga donasyon sa ahensya.
Ayon kay Lim, malaking tulong ang mga donasyon sa serbisyo ng mga kawani ng ahensya sa patuloy na laban kontra COVID-19. Kabilang sa mga donasyon ay 40,000 face masks, 5,000 face shields, at limang (5) air purifiers.
Idinagdag din ng MMDA na ang FCCAP ay isa sa mga grupo na katuwang ng ahensya na walang tigil sa pagbibigay suporta.
“Nagbibigay lakas ang inyong tiwala upang paigtingin pa namin ang aming frontline at emergency services. Sama-sama nating malalampasan ang krisis na ating kinakaharap,” ani Lim. (MMDA/PIA-NCR)
Source: Philippines Information Agency (pia.gov.ph)
0 Comments