TAGBILARAN CITY, Bohol, Nov. 13 (PIA) -- Pait man nga palandungon, apan mas maayo na nga masaag ngadto sa luwas nga dapit, kini ang prinsipyo luyo sa Joint Memorandum Circular No. 1, series of 2020 nga nagpuno sa kakuwangon sa giya sa pagdumala sa patay nga lawas sa mga Persons Under Investigation (PUI) ug kadtong kompirmado nga namatay sa corona virus disease (COVID-19).
Kini aron pagseguro nga kon unsa man ugaling, dili na makapanakod ang patay nga lawas subay sa ubang mga tawo.
Gipagawas sa Department of Health ug sa Department of Interior and Local Government, and JMC No. 1, nagpuno sa mga kakuwangon nga nakit-an sa una nga gipagawas nga DILG Memorandum Circular No 63 ug sa DOH memorandum 067 nga parehang naglatid sa guidelines alang sa pagtipig sa patayng lawas sa kompirmado nga namatay sa COVID-19.
Sa JMC No 1, series of 2020, gilatid didto nga gawas sa dumalahon sa sakto nga paagi ang patayng lawas sa mga pasyente nga namatay sa COVID, nahilakip na dinhi ang paghipos sa patayng lawas sa pasyente nga giilang Persons Under Investigation.
Nahilakip na usad didto sa latid ang pagpugong sa pagpaak sa presyo sa mga punerarya ug ang pagseguro nga kapanalipdan ang kadaghanan sa posibleng pagtakod sa kagaw gikan sa mga patay nga lawas sa mga pasyente.
Segun sa supplemental guidelines sa JMC No 1, nahilakip nga sa susamang pagtratar sa positibo sa COVID kadtong tanang suspected (severe acute respiratory illness (SARI), influenza-like Illness (ILI), nga may travel history, o nakaduol sa usa ka nagpositibo sa kaso sa COVID, giubo o gihilantan ug ang edad sobra sa 60, may laing gihambin nga sakit, buntis nga delikado ang pagkaburos, o health worker.
Gawas sa suspected, nahilakip na usab kadtong probable cases sama sa namatay na lang nga wala pay piho nga resulta sa swabtest, o ang resulta sa test gikan sa mga dili DOH accredited nga mga laboratory.
Se section 4 sa nahisgutang JMC, giingon nga ang tanang suspected, probable o confirmed COVID case nga mamatay, kinahanglang ilubong dayon sulod sa 12 oras gikan sa iyang pagkamatay.
Kadtong didto mamatay sa ospital, ang doctor nga nag-atiman sa pasyente maoy magpahimutang sa patayng lawas sa gikinahanglang tiketa o tag nga nag-ingon: "PROBABLE COVID CASE: HANDLE WITH CARE (Gidudahang may COVID, maayoha pag-atiman) dayon puston dayon sa gidoble nga body bag human sa tukmang dis-infection, ug dili na gani limpyohan, tupihan o hingukohan, aron malubong na dayun.
Kong ang pasyente namatay nga wala sa sulod sa usa ka health facility, ang Municipal Health Officer maoy magpahimutang sa tag, ug magseguro nga kini maputos dayon sa doble nga body bags, selyohan sa tapes ang mga possible nga kaagasan sa mga duga sa lawas ug iandam na sa paglubong.
Ang selyado nga body o cadaver bags, dili na paablihan pa, ug dili na dalhon sa pangpublikong lugar aron hayaon, ilubong na dayon sa dili pa mag 12 oras, pipila lamang ka hingkod nga sakop sa banay ang mahimong makasud-ong. (rahc/PIA-7/Bohol)
Source: Philippines Information Agency (pia.gov.ph)
0 Comments