LUNGSOD PASIG, Nob. 6 (PIA) -- Malugod na tinanggap ni Metropolitan Manila Development Authority (MMDA) Chairperson Danilo Lim ang mga donasyon na Bibliya mula sa Philippine Bible Society (PBS).
Pinasalamatan ni Chair Lim ang grupong nagpapakalat sa Salita ng Diyos sa kanilang suporta sa ahensya.
Aniya, makakatulong ang mga Bibliya sa pagpapalakas ng pananampalataya ng lahat lalo na ngayong panahon ng pandemya.
Ayon sa MMDA, mahigit 2,000 pirasong mga Bibliya na nakasalin sa wikang Filipino ang ibinigay ng PBS. Dagdag pa ng MMDA, ang mga Bibliya ay kanilang ipamamahagi rin sa mga kawani ng ahensya at sa mga benepisyaryo ng kanilang relief operations.
Ang Bibliya ang tinaguriang pinakamabiling libro sa kasaysayan ng mundo. (PIA-NCR)
Source: Philippines Information Agency (pia.gov.ph)
0 Comments