TAGBILARAN CITY, Dec. 9 (PIA) -- Gipahayag sa Department of Labor and Employment (DOLE) nga ipatuman ang “no work no pay” policy, alang sa Disyembre 8, ang Feast of Immaculate Concepcion nga usa usab ka non-working day.
“If the employee did not work, the ‘no work, no pay’ principle shall apply unless there is a favorable company policy, practice, or collective bargaining agreement (CBA) granting payment on a special day,” base sa nakalatid sa Labor Advisory No. 32-2020.
Isip usa ka special non-working day, ang mga mosunod nga pay rules ang ipatuman sa maong adlaw.
Ang trabahante nga nisulod sa maong special day, angay bayran og dugang 30% sa iyang basic wage sa unang walo ka oras sa iyang pagtrabaho.
Sa mga milapas og walo ka oras o nag-overtime, angay silang bayran og dugang 30% sa ilang hourly rate sa maong adlaw.
Samtang ang trabahante nga nisulod o mi-trabaho sa special day nga natunong sa iyang day-off, angay bayran og dugang 50% sa iyang basic wage sa unang walo ka oras nga pagtrabaho.
Apan kun milapas sa walo ka oras o nag-overtime sa adlaw sa special day ug natunong usab nga day-off sa trabahante, angay siya bayran og dugang 30% sa iyang hourly rate sa maong adlaw.
Deklarado isip special non-working holiday ang Disyembre 8 agi og pagtimaan sa Feast of the Immaculate Concepcion nga nag-unang Patron sa Pilipinas. (ecb/PIA7-Bohol)
Source: Philippines Information Agency (pia.gov.ph)
0 Comments