CAMIGUIN, Peb. 24 (PIA)—Ang Overseas Workers Welfare Administration (OWWA)-10 nagpahigayon ug orientation sa duha ka grupo sa overseas Filipino workers (OFW) sa Camiguin alang sa Department of Labor and Employment (DOLE)-OWWA Tulong Puso Program nga tumong makahatag ug panginabuhian sa mga organisasyon sa mga OFWs.
Ang Balik Pinay OFW Catarman sa Catarman ug Kabayan OFW Association sa Mambajao giignan nga magpasa sa ilang mga rekisitos ngadto sa OWWA Regional Office alang sa consolidation ug alang sa review sa Regional Review Committee.
“The DOLE-OWWA Tulong Puso Program is a one-time livelihood financial grant that supports the proposed business plan for both start-up and expansion of OFW groups, duly recognized by the DOLE, Cooperative Development Authority (CDA) or the Securities and Exchange Commission (SEC),” miingon si OWWA-10 Regional Director Petrona Bergado.
(Ang DOLE-OWWA Tulong Puso Program mao ang kausang pinansyal nga tabang alang sa panginabuhian nga gasuporta sa mga gisugyot nga plano sa negosyo sa mga gasugod pa lang ug gapalapad na nga grupo sa OFW, ug kini giila sa DOLE, Cooperative Development Authority (CDA) o sa Securities and Exchange Commission (SEC))
Sa ilang pagbisita, ang OWWA-10 mihatag sa indibidwal nga livelihood start kits sa narehistrong grupo sa OFW sa DOLE nga anaa sa Catarman. Muabot sa 15 ka mga offiers ug miyembro ang niapil sa maong orientation.
Ang DOLE-OWWA Tulong Puso Program gahatag ug livelihood assistance nga mudagan gikan sa P250,000 ngadto sa P1,000,00 base na usab sa mga rekisitos sa proyekto sa negosyo ug sa ihap sa mga miyembro sa OFW nga organisasyon nga ni-apply sa maong grant.
Ang mga dokumento nga gikinahanglan mao ang certificate of entrepreneurship development training, kopya sa DOLE/SEC/CDA registration, organizational profile nga aduna’y personal nga impormasyon matag indibidwal, business permit nga giisyu sa lokal nga pangagamhanan, business project ug sketch sa project site, ug board resolution nga nagbutang ug business manager nga awtorisadong mag-file ug aplikasyon alang sa Tulong Puso Program. (RTP/PIA10)
Source: Philippines Information Agency (pia.gov.ph)
0 Comments