CAMIGUIN, Mar. 16 (PIA)—Aron mas mapanalipdan pa ang probinsya batok coronavirus disease (COVID)-19, ang Pangagamhanang Lokal sa Camiguin gilusad ang CleanCamiguinQR, Marso 15.
"CleanCamiguinQR is the official unified contact tracing and monitoring system in the Province of Camiguin to keep our citizens and tourism safe and healthy,” giingon ni Gob. Jurdin Jesus Romualdo.
(Ang CleanCamiguinQR ang opisyal ug nahiusang contact tracing ug monitoring system sa Probinsya sa Camiguin aron magpabiling luwas ug himsug ang mga katawhan ug ang turismo)
Ang tanang residente sa probinsya, maski unsa pang edad, kinahanglan nga magparehistro ug mag-angkon sa ilang kaugalingong QR code aron makasulod sila sa mga establisamento, opisina, institusyon ug maski pa sa mga simbaan sa probinsya sugod Marso 15.
"Those who are coming in the province for whatever reason; essential, emergency returning local residents and visitors kinahanglan mag-register sa usa makasulod sa probinsya aside sa PCR [polymerase chain reaction] test nila,” dugang sa gobernador.
Aron makarehistro, kinahanglan lamang ug aktibong email address ug numero sa cellphone, labing bag-o nga hulagway, ug balidong identification card.
Matud sa gobernador nga ang sistema gisiguro nga dili maakses ug bisag kinsa aron pagsunod sa data privacy act.
Sa mga wala’y smartphones, mamahimong magrehistro ug mukuha sa QR code sa ilang lokal nga pangagamhanan.
Sa pagprinta o pagkuha sa QR code, gipasidaan ni Romualdo nga dili kini ibutang sa social media o ihatag sa laing tao aron sa seguridad.
Gibuhat sa Infosoft, ang CleanCamiguinQR mamahimong maakses pinaagi sa www.cleancamiguinqr.com. Ang probinsyal nga pangagamhanan magpasibya usab sa publiko kung mamahimo nang madownload sa play store alang sa mga naa’y smartphones. (RTP/PIA10)
Source: Philippines Information Agency (pia.gov.ph)
0 Comments