Cebuano News: NVOC ngadtos LGUs: I-upload na ang masterlist sa mga bakunahan sa dili pa mag 8:00 PM Hwebes

TAGBILARAN CITY, Bohol, March 2 (PIA) -- Subay sa laraw sa National Vaccination Operations Center (NVOC) sa pagpahat sa mga bakuna alang sa corona virus disease ngadto sa tanan nga gikinahanglang tupokan nga walay mausik, gipahinumdom sa Department of Health ngadto sa mga health facilities ug mga local government units sa tibuok nasud ang ilang mga gikinahanglang buhaton sa sunod nga mga adlaw.

Segun sa Advisory No. 11 sa NVOC ubay usab sa Philippine COVID 19 Vaccine Deployment and Vaccination Campaign, gimanduan na ang mga hospitals ug LGUs sa pag-upload sa ilang mga masterlist sa bakunahan ngadto sa Vaccine Information Management System Immunization Registry (VIMS-IR) sa dili molapas sa alas 8:00 sa Huwebes sa gabii, Marso 4, 2021.

ANg nahisgutan ga advirosy gipirmahan ni DOH Undersecretary Myrna Cabotaje, Usec for Field Implementation and Coordination Team, Chairman usab sa NVOC sa DOH.  

Dugang sa NVOC, ang pag-upload, subay sa secured file transfer protocol (SFTP) sa VIMS-IR.

Matud sa nahisgutang advisory, bisan pa kon medyo padayon pang gitrabaho aron mahipno na ang web frontend interface aron makadawat sa dinaghan nga datus gikan sa tibuok nasud, gipasalig sa DOH nga ang uploading sa file subay sa SFTP, kini maghatag sa NVOC sa kasayun sa pag-ihap sa nagkinahanglang sa pagpahiluna sa vaccine roll-out.

Hinuon, alang sa mga health facilities o ospital ug mga LGUS nga nahuman na og upload sa ilang mga masterlists, tambag sa NVOC, seguroha nga kadto lamang nga files nga nasukip ang masterlist ang i-upload ug dili pa kini patabanan sa lain pang mga files.

Alang sa mga LGUs nga wala pa maka-upload sa ilang masterlist, nagkinahanglan kamo nga mangayo og access niini pinaagi sa VIMS micrcosite: tinyurl.com/VIMSaccess (https://vims-platform.web.app).

Kon makasulod na, ang Endorsement-Issuing Organization o Agency mao ang kompleto nga ngalan  sa ospital, health facility o ahensya sa kagamhanan.

Makit-an usab dinhi sa link sa unahan ang sumbanan sa Endorsement letter nga kinahanglang nga pirmahan ug isukip sa imong access: tinyurl.com/VIMSendorse.

Segun sa NVOC, moabut sa 24 oras usahay ang paabuton aron kahatagan og user access depende sa kadaghanon sa nanghangyo nga makasulod, mao nga mas maayo nga ikapadala na ang inyong mga requests sa ala 1:00 sa palsi sa Marso 3 aron gayud maka-apas sa Huwebes nga deadline. (rahc/PIA-7/Bohol)

Source: Philippines Information Agency (pia.gov.ph)