DAKBAYAN SA BUTUAN, Marso 3 -- Masugdan na ang pagtukod og gymnasium ug evacuation center (Phase ll) sa Barangay Poblacion, Las Nieves, Agusan del Norte human gi-aprubahan sa Sangguniang Panlalawigan ang pondo alang niini nga mokabat sa P14,989,449.73 nga gigahin sa lokal nga panggamhanan sa Agusan del Norte.
Alang sa hapsay nga implementasyon gihatagan sa Sangguniang Panlalawigan pinaagi sa Sanggunian Resolution No. 062-2021, og otoridad si Agusan del Norte Gobernador Dale B. Corvera tubag sa hangyo niini pinaagi sa sulat pinitsahan Enero 13, 2021 nga hatagaan og otoridad alang sa pagpirma sa Contract Agreement sa ngalan sa probinsya ug ang QUADCON Builders Design aron madali ang pagtrabaho sa Gymnasium ug Evacuation Center (Phase II) sa barangay Poblacion, Las Nieves, ning lalawigan.
Giaprobahan sa 18th Sangguniang Panlalawigan sa Agusan del Norte, sa pagpanguna ni Bise Gobernador Ramon AG. Bungabong, ang maong proyekto tungod kay ang gymnasium ug evacuation center mahinungdanon kayo panahon sa emergency aron maprotektaran ang kinabuhi ug kabtangan sa tawo sa wala pa ang kalamidad, panahon sa kalamidad ug human sa epekto sa kalamidad.
Ang Sanggunian Resolution No. 062-2021 nga naghatag og otoridad sa pagpirma sa MOA giduso ug gipangunahan sa duha ka authors nga si Provincial Board Member James T. Reserva ug Provincial Board Member Dick Victor B. Carmona ug naaprubahan atol sa ika 75th regular sesyon. (Jessica O. Mellejor, LGU Agusan del Norte/PIA Agusan del Norte)
Source: Philippines Information Agency (pia.gov.ph)
0 Comments