Cebuano News: 2.5 milyones bakunado sa CV – taho

TAGBILARAN CITY, Bohol, May 13 (PIA) -- Hangtud sa labing bag-o nga taho, Mayo 11, 2021, kinatibuk-ang  2,539,693 na ka doses sa bakuna sa Coronavirus disease (COVID-19) ang nagamit na, mahimong sa una nga tupokan og sa pagkompleto sa ikaduha nga tupokan, segun sa taho sa National Vaccines Operations Center (NVOC).

Gikan niini, 2,025,038 na ka tawo nga gikan sa gipa una nga eligible population ang nakahuman na sa una nga tupokan  samtang lain nga 514,655 usab nga eligible population sa Priority Group A1 o health and medical workers ug frontliners ang nakakompleto na sa ilang gitagana nga ikaduha nga tupokan sa bakuna.

BAKUNADO NGA TIGPANGBAKUNA. Una sa laraw sa kagamhanan ang pagpangbakuna sa mga mangbakuna kay sila ang una nga maexpose sa mga masakiton, segun usab sa nasudnong laraw sa pagpangbakuna. (PIA Bohol)

Sa semana nga nahidangat ang Sputnik (Gamaleya) nga bakuna, natupokan na sa unang dose ang 14,962 samtang 1,478,042 na ang nakakuha sa Sinovac, ug 532,034 ang natupokan sa Astrazeneca.

Sa laing bahin, alang sa ikaduha nga tupokan, nga makuha human sa 4 ka semana, 514,455 na ka medical health worker ug frontliner ang nakahuman na sa kompletong proteksyon dala sa Sinovac ug kay magkinahanglan man sa 4 nagdto sa 12 ka semana human ang unang pagtupok sa Astrazeneca, may 200 na ang nakahuan sa kompletong proteksyon dala sa AstraZeneca.

Una na nga nalista ang 1,195,381 ka frontline healthcare workers sa nasud, ug niini, 76.92% o 1,554,122 masterlisted nga eligible sa Priority Group A1 population ang nabakunahan na, Marso 11.

Niini, 713,718 ang nabakunahan sa Sinovac, 480,388 nakadawat sa AstraZeneca vaccine, ug 1,275 Ang nakadawat sa  Gamaleya vaccine.

Kinatibuk-an nga 355,242 na ka health care workers (HCWs) sa nasud ang nakakuha nag kompleto nga duka ka tupokan sa Sinovac, segun sa NVOC.

Sa nasampit nga kadaghanon, nakatampo na ang 466,899 senior citizens nga nasukip sa Priority Group A2 ug lain pa nga mga 353,842 ka katawhan nga may mga lain na nga gibati nga kabilinggan sa lawas o giila sa priority masterlist nga individuals with comorbidity subay sa Priority Group A3.

Nalakip na usab niini ang 8,916 ka frontline personnel nga ga-alagad sa essential sectors sa pribado ug publikong sector nga nasukip sa priority group A4 ang nakakuha na sa ilang unang tupokan sa bakuna batok sac COVID-19.

Gani, subay sa susamang taho, Mayo 11, miabut na sa 25,070 ka senior citizens ug 134,343 ka mga tawo nga duna nay gihambin nga sakit dinhi sa nasud ang nakahuman nasa sa ilang ikaduha nga tupokan sa Sinovac.

Dinhi sa Central Visayas, subay sa taho, sa 56,227 ka mga senior citizens nga naa sa Priority Group A2 ang nasulod sa masterlist, 21,697 na ka senior citizens ang nakahuman na sa unang tupokan sa Sinovac ug lain nga 126 ka senior citizens ang nabakunahan sa AstraZencea. (rahc/PIA-7/Bohol)  

Source: Philippines Information Agency (pia.gov.ph)