TAGBILARAN CITY, May 26 (PIA) -- Kinahanglang magpalabang og lokal nga ordinansa ang mga local government units (LGUs) nga magpahamtang og tukmang silot sa mga indibidwal nga mamaligya og COVID-19 vaccines o vaccination slots.
Mao kini ang gipahayag sa Malakanyang taliwala sa mga taho nga may kalabotan sa giingong ‘money-making scheme.’
“Dapat magpasa ng lokal na ordinansa ang LGUs rito para sa malinaw na basehan ng parusa,” matud pa ni presidential spokesperson Harry Roque.
Giklaro ni Roque nga libre ang tanang bakuna tungod kay dili tanang bakunai aprobado alang sa commercial use.
Gidugang pa sa kalihim nga pagpanglimbong kini o paglapas sa balaod sa Food and Drug Administration (FDA).
Kini kalabot sa taho nga matud pa ang vaccine slots gibaligya sa pipila ka LGUs sa kantidad nga P15,000 matag usa.
“We won’t allow this selling of vaccines because for one, it would jeopardize our commitment with the COVAX Facility which is for equitable vaccine distribution,” matud pa ni Roque.
Sa pagkakaron, ang lokal nga kagamhanan sa Manila pa lang ang nakapalabang na og ordinansa nga magpahamtang og silot sa mga indibidwal nga nagpaluyo sa pagpamaligya sa bakuna sa COVID-19 vaccines o vaccination slots. (ecb/PIA7-Bohol)
Source: Philippines Information Agency (pia.gov.ph)
0 Comments