DAKBAYAN SA BUTUAN, Mayo 27 -- Nakadawat niadtong Mayo 25, ang mga lumulupyo sa Sitio Tagbuaya, Bangonay, Jabonga, Agusan del Norte og food packs isip tubag sa hangyo sa mga opisyal sa maong barangay.
Ang pag apod-apod og food packs sa maong sitio gipasiugdahan sa probinsya sa buhatan sa Provincial Social Welfare and Development Office (PSWDO) ni Silver Joy Tejano, lakip ang pagpanghatag ang buhatan sa Municipal Social Welfare and Development Office (MSWDO) - Jabonga ug ang Technical Education and Skills Development Authority (TESDA).
“Ako nagpasalamat, ug ang barangay council sa effort ug pagsanong sa among hangyo sa sa provincial government nga kini nga benepisyo para sa mga nagkinahanglan,” sumala ni Barangay Captain Marwin Serrano sa maong barangay.
Sa iyang bahin, gipasabot ni Provincial Administrator Gerry Laurito sa mga lumulupyo nga gipadala gyod ni Gob. Dale Corvera ang nagkalain-laing ahensya sa gobyerno aron ma-atiman ang mga lumulupyo sa maong sitio sa higayon sa ilang panginahanglan.
“Kung unsay mga programa sa gobyerno mo cooperate gyud ta, kay ang atong halangdong gobernador Dale B. Corvera gipaanhi man gyud ta tanan para atimanon ang Sitio Tagbuaya,” sumala pa ni Laurito.
Kauban usab ni Laurito sa maong pagbisita ang personahe sa nagkalain-laing opisina sa kapitolyo, si Provincial Director Rey Cueva sa Technical Education and Skills Development Authority (TESDA), mga personahe sa Department of Social Welfare and Development (DSWD), PLTCol. Ritchie M. Yatar, Major Roger N. Gersava ug mga personahe sa buhatan ni Mayor Napoleon M. Montero sa Jabonga. (Shena Mae Pabia with a report from Jhenny Fabian, LGU Agusan del Norte/PIA Agusan del Norte)
Source: Philippines Information Agency (pia.gov.ph)
0 Comments