Cebuano News: Guidelines sa health protocol violations, gilagdaan na sa DOJ ug DILG

TAGBILARAN CITY, June 2 (PIA) -- Gilagdaan na sa Department of Justice (DOJ) ug Department of Interior and Local Government (DILG) ang joint memorandum circular (JMC) kalabot sa pagsikop ug pagbilanggo sa mga molapas sa COVID-19 safety measure.

MAS ESTRIKTO NGA PALISIYA. Gipakita ni DILG Secretary Eduardo Ano ug kapolisan ang bag-o lang nga gilagdaan nga JMC tali sa DILG, DOJ kabahin sa mas etsrikto ug mas mamonitor nga palisiya batok sa COVID.19. (PIA)

Apil sa mga milagda sa nahisgotang circular sila DILG Kalihim Eduardo Año, DOJ Kalihim Menardo Guevarra, PNP chief General Guillermo Eleazar ug uban pang opisyal sa duhang ahensya sa gobyerno.

Ang maong circular gilaoman nga hingpit pang magpakusog sa pagpatuman sa minimum health ug safety regulations.

Ubos sa nahisgotang guidelines, gimanduan sa DILG ang mga local government units ug PNP sa pagmugna og holding areas diin ibutang ang mga violators aron dili masagol sa mga nakabilanggo nga kriminal ug aron usab dili maghuot ang mga bilangguan.

Kun ibilanggo sa selda ang violator, ipatuman ang lokal nga ordinansa samtang manubag usab ang mga badlongon nga opisyal kun may malapas nga health protocols sa ilang mga lugar.

Matud pa nga ang mga madakpan nga quarantine violator nga walay sintomas i-monitor nila ug dalhon usab sa isolation facilities kun mag-positibo sa COVID-19. (ecb/PIA7-Bohol)

 

Source: Philippines Information Agency (pia.gov.ph)