MANILA, May 26 (PIA) -- Gimanduan ni Presidente Rodrigo Duterte ang mga local government officials nga tugotan ang mga repatriated Overseas Filipino Workers (OFWs) nga makauli sa ilang mga lugar.
Matud pa sa Presidente nga ang mga lokal nga opisyal nga dili modawat sa mga OFWs, mahimong pasakaan og kaso.
Gitumbok pa niini nga ang national government lamang ang mahimong magpatuman og travel restrictions.
Gidugang pa ni Duterte nga paglapas sa Constitutional rights sa usa ka tawo kun dili siya tugotang makauli sa iyang panimalay.
Sa gipahigayong panagpulong kauban ang Inter Agency Task Force (IATF on the Management of Emerging infectious Diseases) niadtong Lunes, Mayo 25, giseguro ni Department of the Interior and Local Government (DILG) Kalihim Eduardo Año kang Presidente Duterte nga makauli na ang 24,000 ka mga OFWs sa ilang mga lugar. (ecb/PIA7-Bohol)
Source: Philippines Information Agency (pia.gov.ph)
0 Comments