CAGAYAN DE ORO CITY, May 28 (PIA)--Nagpahigayon ang Agricultural Productivity Office ug Fish and Coral Assessment sa Marine Protected Area (MPA) sa Barangay Bayabas, diri.
Gipangulohan sa Fisheries Division, gisusi kung unsa na kahimtang sa mga isda ug corals sukad gipatuman ang pagbawal sa pagkaligo sa mga kabaybayonan.
Sa ilang pagtuki-tuki, nakita nga dako kaayo ang kalainan karon tungod kay wala man nasugaw ang mga isda. Daghang dagko sab nga klase nga isda makita sa mga pagang (corals) apan nakita sab nila sa ilang pagpaniid sa kadagatan nga buhi pa kaayo ang mga pagang partikular sa Marine Protected Area (MPA) nga nahimutangan sa Barangay Bayabas.
Gi-awhag sab sa APO ang padayon nga pagsubay sa mga balaodnon labi na sa pagbawal sa paglabay sa basura ug ang pagkaligo sa mga kadagatan subay sa kwarantinas aron maprotektahan ang mga binuhat sa kadagatan. Kini ang unang tipik kini sa ilang pag-survey ug kini magpadayon sa mga kabaybayonan sa siyudad. (CDO CAO)
Source: Philippines Information Agency (pia.gov.ph)
0 Comments