DAKBAYAN SA BUTUAN, Mayo 30 -- Naaprobrahan bag-uhay pa lamang sa Sangguniang Panlalawigan ang budget sa lungsod sa Nasipit, ning lalawigan, alang sa pagpalit og vegetable seeds nga nagkantidad og P80,862.25 diin naapil kini sa ilang Annual Investment Plan kun AIP.
Ang nasangpit nga pagpalit sa liso sa mga gulay gisulod sa ilang Annual Investment Plan kun AIP ilawom sa Bottoms Up Budgeting (BUB) Projects Integrated Community Food Production Project 2016, ang hiniusa nga proyekto sa produksyon sa pagkaon sa komunidad.
Ang maong lakang sa munisipyo nagtumong nga matagaag suporta ang mga mag-uuma, aron mas mapalambo ang produksyon sa agrikultura sa lungsod sa Nasipit, sanglit kini usa ka kalihokan nga maoy gitagaag dakong pagtagad dinhi sa lokal nga panggamhanan sa probinsya isip usa sa mga flagship projects sa Agusan Up program .
Kini libreng i-apod-apod sa mga mag-uuma sa nahisgutang lungsod aron makatabang kanila alang sa ilang dugang panginabuhian.
Ang pag-aproba pinasikad sa Sanggunian Resolution No. 213-2020 sa pagpangamahan ni Bise Gobernor Ramon AG Bungabong nga nahitabo niadtong Mayo 11, 2020 sa ilang ika-41st nga sesyon regular. (Prisilina P. Amoroso, LGU Agusan del Norte/PIA Agusan del Norte)
Source: Philippines Information Agency (pia.gov.ph)
0 Comments