TAGBILARAN CITY, Sept. 24 (PIA) -- Nipahinumdom ang Bangko Sentral ng Pilipinas (BSP) sa tanang mga bangko o financial institutions sa pagsunod dayon sa gilatid sa bag-ong balaod nga duha ka buwan nga mahimong dili una bayran ang utang.
Sa gipagawas nga memorandum ni BSP Gov. Benjamin Diokno, nakasulat nga ang 60-days nga grace period sa mga loans nahisulod sa Bayanihan 2 law nga epektibong nahimong balaod sugod Setyembre 15.
Base sa Bayanihan to Recover As One o Bayanihan 2 law, sakop sa balaod ang tanang mga institusyon sa nasud nga sundon ang mandatory one-time 60-day grace period sa mga current ug outstanding loans.
Nipahinumdom usab ang BSP nga mahimong molapas pa sa 60-days ang grace period sa pagbayad og interes o installment bisan lapas pa sa Disyembre 31, 2020 depende sa ilang masabotan.
“The mandatory one-time 60-day grace period shall apply to each loan of individuals and entities with multiple loans,” matud pa usab sa nakalatid sa memorandum ni Diokno. (Ang pugos sa kausa lamang nga tanyag sa paglugway sa bayronon sa loan, alangs a huwam sa nga katawhan o kahugpungan nga may daghan nga nagdungan nga huwam.) (ecb/PIA7-Bohol)
Source: Philippines Information Agency (pia.gov.ph)
0 Comments