TAGBILARAN CITY, Sept. 24 (PIA) -- Gi-anunsyo sa Malakanyang nga isarado ang tanang mga sementeryo sa tibuok nasod gikan Oktubre 29 hangtod Nobyembre 4 aron malikayan ang panagtapok sa mga tawo sa panahon sa Todos Los Santos.
Matud pa ni Presidential Spokesperson Harry Roque, kauban usab sa mga isarado sa maong petsa ang mga kolumbaryo.
“Lahat ng mga pribado at pampublikong mga sementeryo at memorial parks ay isasara sa mga bisita mula Oct. 29 hanggang Nov. 4, 2020,” matud pa ni Roque sa gipahigayong press briefing sa syudad sa Baguio niadtong Biyernes, Setyembre 18.
“Pwede naman po tayo dumalaw bago isara at matapos isara ang mga sementeryo,” dugang pa niini.
Giingong aprubado sa Inter-Agency Task Force (IATF) ang temporary closure sa mga lubnganan.
Lunes na, Setyembre 21 sa dihang gipagawas sa IATF ang aprobadong resolusyon alang sa pagpasarado sa tanang pribado ug pampublikong sementeryo sa tibuok nasud gikan Oktubre 29 hangtod Nobyembre 4.
Apan ang paglubong ug cremation, gitugotan ra sa IATF sa maong mga petsa.
Aron mahatagan ang mga Pilipino og kahigayonan nga maduaw nila ang ilang mga nitaliwang mahal sa kinabuhi, mahimong modawat og bisita ang mga sementeryo og hangtod sa 30% lamang sa ilang venue capacity.
Gidugang usab sa kalihim og pahinumdom nga angay magsuot og face mask ug face shield ang mga magplanong moadto sa mga sementeryo. (ecb/PIA7-Bohol)
Source: Philippines Information Agency (pia.gov.ph)
0 Comments