Cebuano News: DILG nipasidaan batok sa mga scammers nga gigamit ang pangalan sa ahensya

Nipasidaan sa publiko si DILG Undersecretary Jonathan Malaya batok sa mga scammer nga nigamit sa pangalan sa ahensya ug pipila ka taas nga opisyal sa ilang buhatan nga mo-ingon nga mahimong makadawat og ayuda bugti sa gamay nga kantidad sa salapi nga gipangayo sa mga nagpakaaron-ingnon nga sakop sa DILG. (DILG/PIA-Bohol)

MANILA, Sept. 3 (PIA) -- Nipasidaan sa publiko ang pamunoan sa Department of the Interior and Local Government (DILG) nga dili motuo sa mga nikatap nga text messages, tawag o bisan unsang matang sa mensahe nga nag-ingon nga gikan kini sa ahensya.

Sa gipahigayong Laging Handa briefing ning bag-o lang, gibutyag ni DILG Undersecretary Jonathan Malaya nga dili motuo sa mga scammer nga nigamit sa pangalan sa ahensya ug pipila ka taas nga opisyal sa ilang ahensya.

Kini human nasayran sa ahensya ang mga nikatap nga pekeng mensahe ug tawag gikan sa mga scammers nga nag-ingon nga mahimong makadawat og ayuda bugti sa gamay nga kantidad sa salapi nga gipangayo sa mga nagpakaaron-ingnon nga sakop sa DILG.

“Madami nga pong scam na sasabihin, sila ay makakatanggap, for example, ng tulong sa gobyerno or sa DILG kung sila ay magdedeposito ng ganitong amount, kung sila ay magpapadala ng ganitong pera. Pag meron na pong usapin tungkol sa pera ay ‘wag na ‘wag po kayong maniniwala,” matud pa ni Malaya.

Gitumbok ni Malaya nga bisan kanus-a, dili ipaagi ang mensahe sa ilang ahensya sa ingon aning pamaagi.

Matud pa nga makig-alayon ang ulohang buhatan sa DILG sa mga ahensya niini o sa mga local government unit (LGU) kalabot sa mga gusto nilang ipaabot ngadto sa publiko.

“We do not communicate with our partner in the local government units through unofficial ways. Dinadaan po namin ‘yan through the chain, through official channels. So, kung may kakailanganin po kami sa inyo, we will course it, either through our regional director, our provincial director, or the local government operations officer. Para po makasiguro na ang kausap niyo talaga ay mula sa DILG,” pasabot pa ni Malaya. (ecb/PIA7-Bohol)

Source: Philippines Information Agency (pia.gov.ph)