KALIBO, Aklan, Oktubre 29 (PIA) -- Bukas eon ro “Tilapia Hatchery” it probinsya it Aklan nga makit-an sa Barangay Nalook, Kalibo, Aklan.
Ro pag establisar it tilapia hatchery hay sa pagpanikasog it Sangguniang Panlalawigan it Aklan kon siin raya hay ginpunduhan it Bureau of Fisheries and Aquatic Resources (BFAR) sa balor nga P5 milyones.
Suno kay Salome David, Provincial Agriculturist it probinsya, sa pag establisar it rayang hatchery, iya eon mismo sa Aklan magapaabu it semilya it tilapia nga ikapanupod sa mga pumueuyo nga naila kara magpaeagku.
Ginapanan-aw man nga paagi sa rayang proyekto, madasig ro pagpabahoe ag pagpaabu it tilapia, eain ku mga unang tyempo kon siin tradisyonal nga mga pamaagi ro gingamit.
Ginaeauman nga magabenifisyo halin sa rayang proyekto ro mga mangunguma nga may mga maeapad nga kaeanasan nga pwede nga obrahon nga mga tangke.
Ro mga interesado, suno kay David, hay pwedeng magbakae it mga semilya it tilapia mismo sa Office of the Provincial Agriculturist (OPA) ag pagataw-an man it libre nga training ag demonstration. (JSC/VGV/PIA6 Aklan)
Source: Philippines Information Agency (pia.gov.ph)
0 Comments