PAYAO, Zambonga Sibugay, 26 Nobyembre (PIA)-–Ang lungsod sa Payao ning lalawigan nahimong benepesyraryo sa 24- kilometro nga coastal road project sa Department of Public Works and Highways (DPWH).
Matud pa ni Mayor Joeper Mendoza nga ang coastal road project nga nagkutay sa lungsod sa Malangas ug Alicia makahatag ug dakong kalamboan sa turismo kun ugaling mahuman kini. Nalipay usab ang mga residenti dinhi nga maong direktang binipisyaryo kay aduna na silay saktong dalan nga kaagian, ug dili na sila mag lisud pa ug mo ubus na usab ang travel time ug pipila ka oras.
“Nagtuo ako nga daghang turista ang moanhi sa maong lungsod adunay pipila ka natural tourism destinations sama sa “Enchanted Pandilusan Island ug ang sand bar. Dili na usab mahasol ang mga tawo nga moagi sa maong dalan tungod kay hamugaway na man kini nga kaagian,” matud pa ni Mendoza.
Makatabang usab kini nga proyekto sa mga seaweed farmers ug uban pang mag-uuma sa mas sayon nga pagpasulud-gawas sa ilang mga produkto gikan sa Payao paingon sa Alicia ug sa uban pang dapit.
Gipahibalo usab ni Mendoza nga gipahayag ni DPWH Secretary Mark Villar ang maong programa adunay walo (8) ka bridge components ug usa kini sa tulo (3) sa core projects ubos sa Improving Growth Corridors in Mindanao Road Sector Project.”
“Ang Malangas Alicia road project 36.6 percent na nga nahuman bisan pa man sa pagdaot sa panahon,” dugang pagpahibalo ni Villar. (GCC/JPA/PAVM- Zamboanga Sibugay)
Source: Philippines Information Agency (pia.gov.ph)
0 Comments