TAGBILARAN CITY, Nov. 10 (PIA) -- Gi-awhag sa gobyerno ang publiko nga ikonsiderar nga mamuhonan sa ikaduhang hugna sa “Premyo Bonds” o lottery bonds nga magsugod karong buwan.
Ang one-month bond offer, nga gi-organisa sa Bureau of Treasury (BTr) aron makatigom og pondo sa gobyerno, gitakdang ilusad sa Nobyembre 11.
Sa press briefing nga gipahigayon sa Malakanyang, si Presidential spokesperson Harry Roque nagkanayon nga ang mga interesadong buyers mahimong mag-invest sa government securities og P500 ug makakuha og kahigayonan nga makadaog og premyo.
“Nag-offer na naman po ng Premyo Bonds 2 ang Bureau of Treasury na magsisimula sa Miyerkules, Nov. 11, at tatagal ng isang buwan Dec. 11. Ano po ba itong mga Premyo Bonds na ito? Ito po ay one-year low-risk government securities,” pasabot pa ni Roque.
Ang ‘Premyo Bonds’ dili lamang barato apan ‘credit risk-free’ usab ilabi na nga adunay sovereign o soberano nga nagsuporta sa gobyerno.
Ang investment nga P500 adunay katumbas nga 1 ka entry sa raffle draw matag kwarter.
Mahimong mo-avail ang publiko sa ‘Premyo Bonds’ pinaagi sa mga authorized selling agents o sa website sa Treasury department.
Kahinumdoman nga gilusad sa BTr ang labing unang ‘Premyo Bonds’ niadtong Nobyembre 2019 aron makatigom og P3 bilyon nga kinahanglan alang sa nagkalain-laing proyekto sa gobyerno sama sa pabalay, edukasyon ug healthcare.
Ang bonds adunay tenor nga usa ka tuig ug may interest rate nga 3% matag tuig. (ecb/PIA7-Bohol)
Source: Philippines Information Agency (pia.gov.ph)
0 Comments