Sa pagsugod sa pagpahigayon og Misa de Gallo sa mga simbahan, nipagawas og health advisory ang DOH alang sa publiko niadtong Disyembre 15 aron malikayan ang pagkatap sa COVID-19. (DOH/PIA7-Bohol)
TAGBILARAN CITY, Dec. 16 (PIA) -- Nipagawas og health advisory ang Department of Health (DOH) sa publiko kalabot sa pagsugod sa Misa de Gallo.
Matud pa sa abiso sa DOH, kun mahimo minosan ang contact rate o likayan ang exposure pinaagi sa pag-attend og online masses imbes nga in-person gathering.
Alang sa mga pisikal nga motambong sa misa, gitambagan sila sa buhatan nga istriktong sundon ang minimum public health standards.
Apil na niini ang physical distancing diin adunay usa ka metrong gilay-on sa matag tawo, pagsuot og face mask ug face shield sa mga pampublikong lugar sa tanang oras, paglimita sa gidugayon sa aktibidad o exposure ug pagsiguro nga adunay ventilation sa lugar.
Gitambagan usab ang publiko nga likayan ang mga high risk activities sama sa panagtapok sa mga saradong lugar o may poor ventilation, mga aktibidad nga adunay kantahan ug sinyagitay ug uban pang aktibidad nga posibleng adunay physical contact.
Base sa IATF-EID Omnibus Guidelines, mahimong mopahigayon og religious gathering ubos sa mga mosunod nga kondisyon: kun ubos sa lima ka tawo sa usa ka lugar nga naa sa MECQ; kun molapas sa 30 porsyento sa seating capacity sa mga lugar nga ubos sa GCQ; ug dili molapas sa 30 porsyento sa seating capacity sa mga lugar nga ubos sa MGCQ.
Matud pa sa DOH, ang mga panagtapok sama sa Misa de Gallo mahimong "superspreader events."
“The government is preparing for a post holiday surge and it is best to avoid events that could overwhelm our health system and capacity to respond as a whole,” pahayag pa sa DOH.
“The DOH is not prohibiting holiday celebrations, but we call on everyone to think of safety – our own and our loved ones – as we enjoy the season,” dugang pahayag pa sa buhatan. (ecb/PIA7-Bohol)
Source: Philippines Information Agency (pia.gov.ph)
0 Comments